Genesis 20:9 - সান্তালী বাইবেল

⁹ Unre Abimelek do Abraham hohoadeteye metadea, “Am do ale tulucʼ noa do cetʼlekam beoharkeda? Iń do am ṭhen cetʼ iń dos akatʼte iń ar ińakʼ rajosṭire nunạkʼ maraṅ kại reakʼ dayirem paṛao akadińạ? Nonka beohar do lek baṅ tahẽkantama.”

Genesis 20:9 Iomraidhean Croise

Genesis 12:18

Unre Pharao do Abrame hohowadeteye metadea, “Am do iń sãote cedakʼ nonka dom beoharkeda? Cedakʼ amren bạhu do amren misera kanae mentem lạikedea. Ona iạtege coṅ ińma baplaye lạgitʼ iń ạgukede. Nui amren bạhu soṅgekate am do calaojoṅme.”

Genesis 20:10

Abimelek do uniye kulikedea, “Cetʼ hudiste nonka dom kạmileda?”

Genesis 20:8

Noa iạte Abimelek do ạḍi setakʼre beretʼkate tinạkʼ do acʼ tabere kạmiyạko tahẽkan onko sanamko hoho sorkateye baḍae ocoketʼkoa. Ar noa katha ańjomkate uniren hoṛko hõ ạḍiko botorena.

Genesis 26:10

Abemeleke menkeda, “Menkhan ale sãote noa do cetʼem beoharkeda? Jãhãe hoṛge coṅ amren bạhu ma giticʼmidokʼ lạgitʼe soṅgeke. Ar nonkate ale dusirem paṛao ocokelea.”

Genesis 29:25

Ado setakʼen khan Jakob do hahaṛakʼ tulucʼe ńelkedea uni doe Lea kana. Onate uni do Labane metadea, “Aben do ạliń tulucʼ cedakʼ nonka doben beoharkeda? Nunạkʼ din do cetʼ Rahel lạgitʼ bạliń khaṭao akana? Enḍekhan cedakʼben eṛe ketʼlińa?”

Genesis 34:7

Jakobren hoponko ona kathako ańjomketʼ khan gupi ṭạnḍi khonko hecʼena. Ar monre cetʼleka kosṭoko ạikạuketʼ onkage ạḍi bạṛicʼko raṅgaoena, ente Sikem do Jakobren hoponerawakʼ kũạritetʼe nosṭoketʼtaete Israel lạgitʼ mitʼṭecʼ opoman reakʼe kạmikeda, one okaṭakʼ kạmi do baṅ ganokʼakʼ tahẽkan.

Genesis 38:24

Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”

2 Samuel 12:5

Niạ katha ańjomkate Dạud do uni kisạ̃ṛ hoṛ cetanre ạḍiye raṅgaoena. Uni do Nathane metadea, “Probhu Isore jiwetʼ lekage, okoe hoṛ nonkae kạmi akatʼ uni do gocʼ ocokʼ lek kanae.

2 Samuel 13:12

Tamar do uniye metadea, “Alo dada, alom jormoṭeńa. Ente Israelko talare nonkanakʼ do baṅ ganokʼa. Nonkan bạṛicʼakʼ kạmi do alogem kạmiya.

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Exodus 32:35

Arone benao akade mĩhũ iạte hoṛko okako cekaketʼ onate Probhu Isor do onko cetanre maraṅ okocʼ muhine kolkeda.

Kạhtukko 28:10

Soṛa monan hoṛ okoe bạṛicʼ horteye idiye uni do acʼakʼ khạ̃ṛiregeye ńurokʼa, menkhan miridosko do bhạlại hoyokʼtakoa.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Romiko lạgitʼ Pạul Apostolakʼ ciṭhi 2:11

Ente Isor ṭhen mẽtʼãhã beṅgetʼakʼ do bạnukʼ anaṅ.

Titus lạgitʼ Pạul Apostolakʼ ciṭhi 1:11

Noko hoṛkoakʼ moca do tubetʼkatako jạruṛa, ente labjoṅ lạgitʼ baṅ ganokʼakʼko cetʼako kana; ar nonkate onko do gharońjkoko ạulạueda.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

Josuạ 7:25

Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.