Genesis 20:7 - সান্তালী বাইবেল

⁷ Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Genesis 20:7 Iomraidhean Croise

Genesis 12:15

Unre Pharaokʼa raj dorbarren hoṛko hõ uniko ńelkede khan Pharao ṭhen uniyakʼ kathako lạikeda. Onate Sạri do raj oṛakʼteye idi ocoyena.

Genesis 12:17

Menkhan Abramren bạhu Sạri iạte Probhu Isor do Pharao ar uniyakʼ oṛakʼren hoṛko cetanre aema lekan ruạ hasoke paṛao ocokeda.

Genesis 2:17

menkhan boge-baṛicʼ dare reakʼ jo do alom joma, ente oka hilokʼ ona dare reakʼ joyem joma enhilokʼ am do khạṭigem gujukʼa.”

Genesis 20:18

Abrahamren bạhu Sara iạte Probhu Isor do Abimelekakʼ oṛakʼren sanam maejiukoakʼ kukhiye bondletʼtako tahẽkana.

Genesis 20:3

Menkhan ńindạ jokhecʼ Isor do Abimelek kukmuteye metadea, “Okoe maejiuem ạgu akade, uniren do jãwãe menaetaea. Unim ạgu akadete am do gujukʼ secʼem mohnḍa akana.”

Genesis 20:8

Noa iạte Abimelek do ạḍi setakʼre beretʼkate tinạkʼ do acʼ tabere kạmiyạko tahẽkan onko sanamko hoho sorkateye baḍae ocoketʼkoa. Ar noa katha ańjomkate uniren hoṛko hõ ạḍiko botorena.

Genesis 23:6

“Aleakʼ katha ańjomme. Am do nonḍe ale talare Isorren ojokʼicʼ mitʼṭen mukhiyạm hoyakana. Aleakʼ joto khon mońj utạrakʼ toparege amren bạhu do topakaeme. Amren bạhu topaye lạgitʼ aleko modre okoehõ acʼakʼ topa ṭhạ̃i aṛag do bae baron mea.”

2 Samuel 24:17

Okoe serma goḍet do hoṛkoe ńẽtʼetʼko tahẽkan Dạud do uniye ńelkede khan Probhu Isore metadea, “Ińgeń ghạṭ akada ar ińgeń behok akada. Menkhan noko bhiḍiko do cetʼko ceka akada? Onate eken iń ar iń ạpuńren bõskoge baṛe sạjạilem.”

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.

2 Rapajko 5:11

Menkhan Naman do ạḍiye raṅgaoente onḍe khone calaoena are menkeda, “Iń doń hudisleda khạṭige uni do iń ṭhene oḍokʼ hijukʼa ar teṅgokate acʼren Probhu Isore hohoaea ar murhucʼ jom rog cetanre acʼakʼ tiye dohoytaea ar ińakʼ roge bogeytińạ.

1 Bõsbudạ 16:22

uni doe metakokan tahẽkana, “Ińren ojokʼ akan hoṛko alope joṭetʼkoa; ińren nạbikoakʼ jãhãnakʼge alope loksan takoa.”

2 Bõsbudạ 30:18

Ephrayim, Manasi, Isakar ar Sebulon gusṭiren ḍher hoṛkoge apnar saphako baṅkate niạm upạrte bańcaokʼ porob reakʼ bhojko jomkeda. Menkhan Hiskiạ do onko ńutumte koekateye menkeda, “Mundil reakʼ niạm lekate bako sapha akanre hõ enhõ okoe do onkoren hapṛamkoren Probhu Isorakʼ sana leka calakʼ lạgitʼko mon muruk akatʼ, onko sanamko jemon dayawạnicʼ Isor baṛeye ikạkako.”

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Exodus 18:17

Unre Moseren hońhartetʼe menkeda, “Aben okaben cekayetʼ ona ạḍi baben bhageyeda.

Exodus 4:16

Am huyạte Aronge hoṛko sãote kathae roṛa, jemon uniyakʼ mocage amakʼ moca ar am do uniren Isor lekam hoyokʼa.

Exodus 7:1

Unre Probhu Isor do Moseye metadea, “Ńelme, Pharao ṭhen am do Isor lekań hoyocomea, ar amren dadam Aron do amren Nạbigeye hoyokʼa.

Jirimiạ 14:11

Ona tayom Probhu Isor do iń metadińạ, “Noko hoṛkoakʼ bhạlại lạgitʼ do alom koea.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 27:18

Onko doko nạbikan khan ar Probhu Isorakʼ katha onko ṭhen menakʼ khan enḍekhan Probhu Isorakʼ oṛakʼ reakʼ, Jihudạwakʼ raj oṛakʼ reakʼ ar Jerusalemre ńithõ oka jinisko sarecʼ menakʼ ona jemon Babelte alo idikʼ ona lạgitʼ phạdkoren Probhu Isor ṭhenko nehõrokʼ ma.

Jeheskel 3:18

Iń do tinre mitʼṭecʼ dusṭạmi hoṛiń metaea, ‘khạṭige am dom gujukʼa,’ unre am do uni bam sontore, se uniyakʼ jiwi bańcaotae lạgitʼ bạṛicʼ hor khon ruạṛ hijukʼ lạgitʼ jãhãnakʼ bam metae, enḍekhan uniyakʼ gujukʼ lạgitʼ do amgeń dạyimea.

Jeheskel 33:8

Iń do tinre jãhãe bedhorom hoṛiń metae, ‘Eya bedhoromicʼ, am do khạṭigem gujukʼa,’ ar am do bạṛicʼ hor khon ạcur ruạṛokʼ lạgitʼ uni bam sontore, enḍekhan uni bedhorom hoṛ do acʼakʼ ghạṭ iạteye gujukʼa menkhan uniyakʼ gujukʼ lạgitʼ do amgeń dạyimea.

Levitikus 6:7

Ar naeke do Probhu Isor samaṅre kại reakʼ puruchun lạgitʼe kạmikataea. Ar noako reakʼ jãhãnakʼtegeye dusi akanʼ, uni doe ikạ ocokʼa.”

Aposkạmi 8:24

Unre Simone roṛ ruạṛkeda, “Abenge Probhu ṭhen iń lạgitʼ koeben jemon aben okaṭakʼ ben roṛakatʼ ona ińre alo hoyokʼ.”

1 Korinthiko 14:4

Eṭakʼ pạrsite katha roroṛicʼ do apnargeye benao rakabokʼa, menkhan nạbi lekate roroṛicʼ do manḍerren hoṛkoe benao rakapʼkoa.

Ibriko 1:1

Ḍher din lahare nạbiko hotete Isor do aboren hapṛamko ṭhen ạḍi dhao ar ạḍi lekate thoṛa thoṛateye galmaraoatʼko tahẽkana.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

1 Johan 5:16

Jãhãege acʼren boeha nonka kạkạikane ńel lekhan one okaṭakʼ do gujukʼ senakʼ baṅkan, enḍekhan uni do Isor ṭhene koejoṅ ma ar onate uni do jiwetʼe dohoyea. Iń do nonḍe onkoakʼ kathageń roṛeda one okoe doko kạiyetʼkan, menkhan onkoakʼ kại do gujukʼ senakʼ do baṅkan. Menkhan gujukʼ senakʼ kại hõ menakʼgea. Ona reaṅ nehõrape reakʼ katha do bạń metapekana.

1 Samuel 12:19

Unre onko sanamko do Samuelko metadea, “Amren Probhu Isor ṭhen amren gutiko lạgitʼ koeme jemon alole gujukʼ, ente rajle koeante aleakʼ judạ judạ kạiko sãote niạ kại hõ juṭucʼentalea.”

1 Samuel 12:23

Iń do ape lạgitʼ koejoṅ tishõ aloń thirokʼte Probhu Isor upạrte aloń kại. Iń do dhorom ar sạriyakʼ reakʼ horte calakʼ reakʼiń cetʼapea.

1 Samuel 7:5

Unre Samuele menkeda, “Mispare sanam Israelko jarwakope. Iń do ape lạgitʼ Probhu Isor ṭheniń nehõrokʼa.”

1 Samuel 7:8

Onko do Samuelko metadea, “Aboren Probhu Isor do Philisṭikoakʼ ti khon jemone bańcao bon ona lạgitʼte Probhu Isor ṭhen ragme.”