Genesis 20:17 - সান্তালী বাইবেল

¹⁷ Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Genesis 20:17 Iomraidhean Croise

Genesis 12:17

Menkhan Abramren bạhu Sạri iạte Probhu Isor do Pharao ar uniyakʼ oṛakʼren hoṛko cetanre aema lekan ruạ hasoke paṛao ocokeda.

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

Genesis 29:31

Probhu Isor do Lea khijlạu ocokʼkane ńelkede khan uni do bhạrti hoṛmo reakʼ daṛeye emadea, menkhan Rahel do bạńjhigeye tahẽyena.

Esra 6:10

jemon onko do sermaren Isor ńutumte ataṅokʼ reakʼ samaṅokʼakʼ porobko porob daṛeakʼ ar raj ar raj hoponkoakʼ bhạlại lạgitʼko koe daṛeakʼ.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Kạhtukko 15:29

Probhu Isor do bạṛicʼko khon pharakreye tahenkana, menkhan uni do acʼ botoraekoakʼ koejoṅe ańjomeda.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Jesaea 45:11

“Probhu Isor, okoe doe Israelren uni sonoticʼ kan, okoe doe uniren sisirjạukʼ kan, uni do niạ kathae meneda, ‘ape do cetʼ tayom daram ghoṭna reaṅpe kuli akadińạ? Ińren gidrạko se ińakʼ ti reakʼ kạmi reaṅpe hukum akawạdińa?

Numeri 12:13

Unre Mose do ãṭ aṛaṅte hohoate Probhui metadea, “E Isor, uni baṛe bogeyeme.”

Numeri 21:7

Unre hoṛko do senkate Moseko metadea, “Ale do Probhu Isor ar am upạrte kathale roṛ akatʼte ạḍile kại akada. Am do ńitokʼ Probhu Isor ṭhen nehõrokʼme jemon ale ṭhen khon bińkoe pharakʼko.” Unre Mose do hoṛko lạgitʼe nehõrena.

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

Mathae 7:7

“Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Aposkạmi 3:24

“Ona chaḍa Sạmuel khon ehopʼkate tinạkʼ nạbikoko roṛakatʼ, onko hõ niạ okte reakʼ kathage lahareko lại oṭo akada,

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

1 Thessalonikikko 5:25

E boehako, ale lạgitʼ koejoṅpe.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.