Genesis 20:1 - সান্তালী বাইবেল

¹ Tayomte Abraham do Mamre khon Negeb ńutumanakʼ dạkhin hahaṅkar secʼe calao idiyena. Onḍe uni do Kades nagraha ar Sur tala reakʼ mitʼṭecʼ jaegare girobasokʼe ehopʼena. Onḍe khon uni do thoṛa din lạgitʼ Gera nagrahare senkateye tahẽyena.

Genesis 20:1 Iomraidhean Croise

Genesis 10:19

Sidon nagraha khon Gerare calakʼ horre Gaja hạbicʼ ar Gaja khon Sodom, Gomora, Adma ar Seboyim calakʼ horre Lasa hạbicʼ Kananrenkoakʼ reakʼ simạ do tahẽkana.

Genesis 12:9

Tayomte onḍe khon uṭhạukate Negeb reakʼ dạkhin hahaṅkar secʼe calaoena.

Genesis 13:1

Unre Abram do acʼren bạhu ar acʼakʼ jotowakʼ soṅgekate Misor disom khon oḍokkate Negeb reakʼ dạkhin hahaṅkar jaega secʼe calaoena ar Lot hõ uni sãoteye calaoena.

Genesis 14:7

Ona tayom noko rajko doko ạcurente En-Mispạt, metakʼme, Kadesteko boloyena. Onko do Amalekikoakʼ goṭa disạmko hatkeda ar Hasason- Tamar nagrahare okoe Amoriko tahẽkan onkoko bhagaoketʼkoa.

Genesis 16:1

Abramren bạhu Sạri do unrehõ cele gidrạge bako hoyakantae tahẽkana. Hagar ńutuman uniren do mitʼṭen Misiriạ kạ̃ṛmĩye tahẽkantaea.

Genesis 16:14

Ona iạte Kades ar Bered talare okaṭakʼ kuń menakʼ ona reakʼ ńutum do Ber-lahai-roi kuń hoyena (metakʼme, “Okoeye jiwetʼge ar ińe ńelakadiń uniyakʼ kuń”).

Genesis 16:7

Probhu Isorren goḍet do horre hahaṅkar jaegare mitʼṭecʼ dakʼ bhumbukokʼ ṭhen Hagare ńamkedea. Ona dakʼ jharna do Sur ńutuman mitʼṭecʼ jaegate calakʼ horre tahẽkana.

Genesis 18:1

Abraham do tinre Mamre reakʼ sonot dareko ṭhene girobasokʼkan tahẽkana unre mitʼ din Probhu Isor do uni ṭhene ńel ocoyena. Abraham do enhilokʼ tikin jokhecʼ setoṅre acʼakʼ tạmbu reakʼ duạr ṭhene duṛupʼ akan tahẽkana.

Genesis 21:34

Abraham do Philistikoakʼ disạmre ḍher dine tahẽyena.

Genesis 24:62

Unre Isahak do Negebreye tahẽkana. Ar niạko dinre uni do Ber-Lahai-roi ńutuman jaega ṭhene senakan tahẽkana.

Genesis 25:18

Hạwila khon Sur hạbicʼ okaṭakʼ jaega tahẽkan onḍege uniren bõsko girobasokʼ kan tahẽkana. Ar ona ṭhạ̃i do Misor aṛe, Ạsurte calakʼ horre tahẽkana. Onkoren boeha Isahak bõsrenkoakʼ disạm sorrege onko doko tahẽkana.

Genesis 26:1

Abrahamakʼ oktere leka niạ dhao hõ disạmre mitʼṭecʼ akal hoyena. Ona iạte Isahak do Gora nagrahate Philisṭikoren raj Abemelek ṭhene calaoena.

Genesis 26:20

Menkhan Geraren gutiko do Isahakren gutiko sãote jhogṛakʼko ehopʼketʼteko menkeda, “Noa dakʼ do aleakʼ kana.” Noa jhogṛa iạte Isahak do ona kuń reakʼ ńutum Esoke dohokeda (metakʼme “jhogṛa”).

Genesis 26:26

Noa tayom Abemelek do acʼren muntri Ahusat ar maraṅ subedar Pikol soṅgekate Gera khon Isahak ṭhene hecʼena.

Genesis 26:6

Ona iạte Isahak do Gera nagraharegeye tahẽyena.

Sereńko 29:8

Ar ona aṛaṅte hahaṅkar do dal dalaokʼa; Probhu Isor do Kades reakʼ hahaṅkare dal dalao ocoyeda.

Exodus 15:22

Tayomte Mose do arakʼ jalapuri khon Israelkoe idiketʼkoa. Onko do pạhilre Sur ńutuman mitʼṭen hahaṅkar jaegareko seṭerena. Ona hahaṅkar jaegare onko do pe din hạbicʼ dãṛã dãṛãte okarehõ dakʼge bako ńamleda.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Dosar Biboron 1:19

“Inạ tayom aboren Probhu Isorakʼ hukumte abo do Horeb buru bạgikate Amorikoakʼ buru ṭoṭha secʼ bon mohnḍa idiyena. Tinạkʼ maraṅ ar tinạkʼ botoranakʼ hahaṅkar talatebon calaolen ona dope ńelakada. Nonkate abo do Kadesre senkate bon seṭerena.

Dosar Biboron 32:51

Cedakʼ je, Sin hahaṅkarre Kades reakʼ Meriba-dakʼ ṭhen Israel hoponko talare iń tulucʼ biswạsben rạputʼleda ar Israel hoponko talare baben sonotledińạ.

1 Samuel 15:7

Sạul do unre Hewila ṭoṭha khon Misor purub secʼ Sur hahaṅkar ṭoṭha hạbicʼ sanam Amalekikoe bhagaoketʼkoa.