Genesis 2:8 - সান্তালী বাইবেল

⁸ Probhu Isor do purub secʼ Edenre mitʼṭen bagwane benaoleda, ar onḍege acʼren bekʼnaoicʼ manwa doe dohokedea.

Genesis 2:8 Iomraidhean Croise

Genesis 13:10

Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Genesis 3:23

Noa menkate Probhu Isor do hasate bekʼnaoicʼ manwa do ot cas lạgitʼ Eden bagwan khone oḍokgotʼkedea.

Genesis 3:24

Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.

Genesis 4:16

Noa tayom Kain do Probhu Isor samaṅ khone calaoente Eden reakʼ purub secʼ Nod ńutumanakʼ mitʼṭecʼ disạmre girobasokʼe ehopʼena.

2 Rapajko 19:12

Ińren hapṛamko do okoe jạtren hoṛko marao giḍiletʼko onkoren debotako, metakʼme Gosan, Haran, Reseph ar Telasarreko girobasokʼkan Edonren debotako do cetʼ onkoko rukhiyạ daṛeatʼko tahẽkana?

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jeheskel 27:23

Haran, Kanne, Edon ar Sebaren bepariko ar Ạsur ar Kilmad hõ am sãoteko bạnijetʼ tahẽkana.

Jeheskel 28:13

Am do Isorakʼ Eden bagwanrem tahẽkana, sanam lekan damanakʼ dhiri, cuni, podmorag, hirạ, gomedok, boidurjo ar surjokanto, nilkanto, pitmani, morokot ar sona do amakʼ abhrange tahẽkana, amakʼ jhan jhanaokʼkan mala ar seke sekekʼ hạ̃sli do sona reakʼge tahẽkana; noako do sirjạu hilokʼrege tearlena.

Jeheskel 31:16

Gocʼ hoṛko sãote tinre Seolteń pheḍkadea unre uniyakʼ ńurokʼ reakʼ saḍete boṅgan hoṛ jạtrenko doko thar tharaoena. Unre Eden reakʼ sanam dareko, Lebanon reakʼ bachao akan ar soros soros dareko ar mońjte dakʼ ńam akawatʼ sanam dareko do ot reakʼ latar utạrakʼkore jiwi raṛecʼko ńamkeda.

Jeheskel 31:18

“ ‘E Pharao raj, ṭhonok ar jakjomok secʼte Eden reakʼ dareko modre mitʼṭecʼ hõ am soman do baṅkana. Enhõ Eden reakʼ dareko sãote amhõ ot reakʼ latar utạrakʼkotem pheḍ ocokʼa; ar okoe bin khatna akan hoṛ lạṛhạiteko gocʼakan onko sãote giticʼ akanem tahena.’ “Iń Probhu Isorgeń menetʼkana, ona dare do hoyokʼ kana Pharao ar uniren sanam phạdkoge.”

Joel 2:3

Onko laha lahate do seṅgele jojomkana ar onko tayomte do seṅgel lepʼe roṅgokana. Onko samaṅre disạm do Eden bagwan leka, ar onko tayomre do ujạṛakʼ hahaṅkar; ona khon rukhiyạ do cetʼge bae ńameda.