Genesis 2:7 - সান্তালী বাইবেল

⁷ Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Genesis 2:7 Iomraidhean Croise

Genesis 1:27

Tayomte Isor do acʼleka mitʼṭen manwae benaokedea. Hẽ acʼakʼ muṭhạn lekageye benaokedea, uni do herel ar maejiukategeye sirjạuketʼkinạ.

Genesis 2:6

Menkhan dakʼ do hasa latar khon bhumbuk rakabokʼ kan tahẽkante hasa do odage tahẽkana.

Genesis 3:19

Ar okaṭakʼ hasatem benao ocoakan ona hasate ạurim ruạṛ calakʼ hạbicʼ bohokʼ reakʼ balbal dakʼ do jaṅgare ńurokʼtama arem joma. Amakʼ noa dhuṛi reakʼ hoṛmo do dhuṛitege ruạṛ calakʼtama.”

Genesis 3:23

Noa menkate Probhu Isor do hasate bekʼnaoicʼ manwa do ot cas lạgitʼ Eden bagwan khone oḍokgotʼkedea.

Genesis 7:22

Ar ot cetanre tinạkʼ jiwiyanko tahẽkan, metakʼme sahẽtʼetʼ tahẽkan sanam jiwiyanko doko gocʼ cabayena.

Jobakʼ 27:3

tinạkʼ din ińre jiwi menakʼ, tinạkʼ din Isorakʼ sahẽtʼ ińakʼ mũre tahen,

Jobakʼ 33:4

Isorren jiu doe benao akadińạ; ar sanam daṛeanicʼakʼ sahẽtʼ doe jiwetʼ akadińạ.

Jobakʼ 33:6

Isor samaṅre iń ar am dolaṅ somangea; iń hõ hasa khongeń benao akana.

Jobakʼ 4:19

tobe okoe hasa oṛakʼreko tahenkan onkoakʼ rehetʼtetʼ do dhuṛi kana, tejoko leka okoeko lebetʼ gańjao ocokʼkan, onko do Isorakʼ mẽtʼãhãre artetʼge dusiko hoyokʼa!

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Sereńko 103:14

Abo cetʼ leka bon benao akan ona doe baḍaegea; dhuṛi chaḍa ar cetʼ hõ bon baṅkan ona hõe disạ akatʼgea.

Kạhtukko 20:27

Manwawakʼ jiu do Probhu Isorakʼ diuhe kana; ona do manwa ontor reakʼ jotowakʼe ḍunḍhạua.

Sosolhayic̕ 12:7

Hasa do hasarege ruạṛ calakʼa. Isor okoe jiue emakade uni jiu do acʼ ṭhengeye ruạṛ calakʼa.

Sosolhayic̕ 3:7

oṛecʼ giḍikakʼ okte ar rog lạgitʼ okte, thir hapekokʼ okte ar roroṛ lạgitʼ okte,

Jesaea 2:22

Manwako cetanre do alope bhorsakʼa. Uniyakʼ jiwi ma uniyakʼ mũ reakʼ sahẽtʼ chaḍa ar cetʼge baṅkan; uniyakʼ do cetʼ damge bạnukʼtaea.

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Jeheskel 37:5

Probhu Isore menetʼkana, ‘iń do apere sahẽtʼ iń aderapea arpe jiwedokʼa.

Jeheskel 37:6

Iń do apeakʼ jaṅko sãote jaṅkoń tolkatapea, ar apeakʼ jelkoń janam ocoya ar hartate onakoń esetʼ ocoya. Ar sahẽtʼ iń emapea arpe jiwedokʼa. Unre ape dope baḍae daṛeakʼa, ińkangeạń Probhu Isor do.’ ”

Sakariạ 12:1

Noa kangea Israel babotre Probhu Isorakʼ katha do. Probhu Isor, one okoe do sermae aṭetʼ akatʼ, okoe do dhạrti reakʼ rehetʼe bạisạu akatʼ, okoe do manwa bhitrire Jiue sirjạuakawade, uniye meneda,

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Johan 20:22

Noa menkate uni do celako oṅatʼkoteye metatʼkoa, “Sonot Jiu hatao joṅpe.

Aposkạmi 17:25

Uni do jãhãn reṅgecʼ bạnukʼtaea, onate manwakoakʼ tite pujạ hatao hõ baṅ jạruṛaea, ente unige sanam manwako jiwi, sahẽtʼ ar eṭakʼ jotowakʼkoe danako kana.

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benaokedińa?”

1 Korinthiko 15:45

Sostorre nonkage olakana, “Pạhil manwa Adam do jiwetʼ jiwiyanicʼe hoyena.” Ar sesicʼ Adam do jiwetʼ Jiugeye hoyena.

1 Korinthiko 15:47

Menkhan dosaricʼ manwa do serma khone hecʼlena.

2 Korinthiko 4:7

Menkhan noa dhon do hasa bhajanre dohoakana, ar alege ona hasa reakʼ bhajan do. Hasa reakʼ bhajanre dohoakana jemon hoṛkoko bujhạu daṛeakʼ baṅma, noa asambheṛ daṛe do apnar khonakʼ do baṅ bickom Isor ṭhen khonge hecʼakana.

2 Korinthiko 5:1

Baḍaegea bon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼ bon ona rạputʼlenre hõ aboakʼ do Isor emakʼ mitʼṭecʼ oṛakʼ menakʼ tabona. Ona oṛakʼ do manwa tite benaoakʼ do baṅkana, ona do jaejug khonge sermare menakʼa.

1Timothi 2:13

Ente pạhilre Adamgeye gaṛhao maṛaṅlena; ar ona tayom do hawage.

Ibriko 12:9

Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼko tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?