Genesis 2:25 - সান্তালী বাইবেল

²⁵ Unre Adam ar uniren bạhu do uluṅge kin tahenkan tahẽkana, menkhan onate unkin do bạkin lajaokʼkan tahẽkana.

Genesis 2:25 Iomraidhean Croise

Genesis 3:7

Onate bana hoṛakʼ mẽtʼ do saṛentạkina. Ar uluṅgea kin mente kin bujhạukeda. Ar loa dare reakʼ sakamko rokʼkate ạkin lạgitʼ kicricʼkin benaoana.

Sereńko 25:3

Okoe amre bhorsae dohoyetʼkan uni do bae lajao ocokʼa, menkhan okoe ạuṛiyakʼteko chol kopoṭetʼ onkoge lajaoreko paṛaokʼa.

Sereńko 31:17

E Probhu Isor, iń doń hohoakawatʼmea; lajaore alom paṛao ocoyińạ; bedhoromkoge boroṅ lajaoreko paṛaokʼma, onko do hape akae patal puriteko ńurokʼma.

Exodus 32:25

Mose do hoṛko bhiṅgṛạu akana menteye ńelketʼkoa. Uni doe bujhạukeda Arongeye bhiṅgṛạu ocoakatʼkoa ar onate bạiri ṭhen cigạri ocokʼ lek ko hoyakana.

Jesaea 44:9

Okoe goṛhon muṭhạnko benao onko doko ạuṛiyakʼgea; onkoren damanakʼ jinisko do porhoanakʼ doko baṅkana. Onko muṭhạnko secʼ okoe kathako roṛ onko doko kãṛãgea, cetʼge bako baḍaea; ona iạte onko do lajaoreko paṛaokʼa.

Jesaea 47:3

Amakʼ uluṅ do oṭagokʼa ar lajao do ńel ńamokʼtama. Iń doń hala hạlia, okoeyakʼ nehõr hõ bạń ańjoma.”

Jesaea 54:4

Alom botorokʼa, ente am do bam lajao ocokʼa. Ar alom andesalekʼa, ente bam nak kaṭakʼa. Amakʼ juạn okte reakʼ lajao dom hiṛińa ar amakʼ rạnḍi jokhecʼ reakʼ durnam hõ bam disạitama.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jeheskel 16:61

Amren hoponera lekate am khon maraṅicʼ ar am khon huḍińicʼ boeha kuṛikiniń emama ar am do unkinem ataṅkinạ, unkin do amakʼ bondobos talare bạnukʼkinạ. Unre am do amakʼ colon reakʼ katham disạiya arem lajaokʼa.

Joel 2:26

Ape do lacʼ bikʼpe joma arpe tirpitokʼa ar aperen Probhu Isorpe sarhaoea one uni ape lạgitʼ hahaṛa kạmikoe kạmi akatʼ; ar ińren hoṛ do ar tishõ bako lajao ocokʼa.

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Luk 9:26

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Romiko lạgitʼ Pạul Apostolakʼ ciṭhi 10:11

Sonot sostorreye meneda, “Jãhãege unireye pạtiạukʼ uni do bae lajao ocokʼa.”