Genesis 2:2 - সান্তালী বাইবেল

² Nonkate Isor do eaeakʼ dinte acʼakʼ kạmiye sạtʼkeda; one okaṭakʼe kạmiketʼ; ar eaeakʼ din doe jirạuena acʼakʼ joto kạmiko khon; ar enhilokʼ uni do sirjạu reakʼ cetʼge bae kạmileda.

Genesis 2:2 Iomraidhean Croise

Genesis 1:31

Isor do acʼakʼ sirjạuakʼ reakʼ sanamakʼe ńelkeda. Ar sạrige onako do ạḍi mońjge hoyakana. Ado ạyupʼena ar setakʼena, ar ona do turuiyakʼ din hoyena.

Genesis 2:3

Uni do noa eaeakʼ dine bhorada ar acʼ lạgitʼe begar dohokada, ente enhilokʼ uni do sirjạu reakʼ kạmiye sạtkeda are jirạuena.

Exodus 23:12

“Haptare turui din khaṭaokʼpe menkhan eae mãhã hilokʼ do cetʼge alope kạmiya. Onate aperen ḍaṅgra ar gadha do jirạuko ńama ar apeakʼ oṛakʼreko janam akan guti-kạ̃ṛmĩko ar eṭakʼ jạtren hoṛko hõ khaṭaokʼ khon rehayko ńama.

Exodus 31:15

Ape do hapta reakʼ turui dinpe khaṭaokʼa menkhan eaeakʼ din do jirạukʼ dinge, ona do Probhu Isor ńutumte mitʼṭecʼ begar akan din kana. Ar jãhãe ona dinreye kạmi enḍekhan uni doe gocʼ ocokʼa.

Exodus 31:17

Niạ din do iń ar Israelko talare jaejug lạgitʼ mitʼṭecʼ cinhạ kana, ente iń do turui dinre serma ar ot iń sirjạu akada ar eae din hilokʼre do cetʼ hõ bạń kạmileda.”

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Johan 5:17

Unre uni do onko mukhiyạkoe metatʼkoa, “Ińren Baba do jao ghuṛiye kạmikana ar iń hoń onkayeda.”

Dosar Biboron 5:14

menkhan eae din hilokʼ do amren Probhu Isor ńutumte mitʼṭecʼ jirạukʼ din kana. Enhilokʼ do am ar amren hopon ar hoponerako, amren guti kạ̃ṛmĩko, amren ḍaṅgra, se gadha se eṭakʼ jãhãn janwarko se amakʼ ato se nagrahare girobasokʼ kan eṭakʼ jạtren hoṛko, okoe hõ cetʼge alope kạmiya. Onate amren guti ar kạ̃ṛmĩ hõ am leka jirạuko ńama.

Ibriko 4:10

ente Isor do cetʼleka acʼakʼ sirjạu reakʼ kạmi sạtkateye jirạulena onkage okoe Isorakʼ jirạu joṅ jaegareye calakʼ, uni hõ uniyakʼ kạmi khon jirạue ńama.

Ibriko 4:4

Sonot sostorre mitʼ jaegare eae mãhã hilokʼ reaṅ nonka olakana, “Isor do eae mãhã hilokʼre cetʼge bae kạmileda.”