Genesis 2:1 - সান্তালী বাইবেল

¹ Isor do ot ar sermare menakʼ sanamakʼe benao sạtkeda.

Genesis 2:1 Iomraidhean Croise

Genesis 1:1

Etohopʼre Isor do ot ar sermae sirjạukeda.

Genesis 1:10

Isor do ona rohoṛ jaega reakʼ ńutum do ote dohokeda, ar jarwa akan dakʼ do jalapuriye metatʼa. Isore ńelkeda ona do ạḍi mońjge hoyakana.

Genesis 2:4

Sirjạu tayom serma ar ot reakʼ katha: Probhu Isor do tinre maraṅ serma ar ote benaoetʼ tahẽkana unre dhạrtire aṛakʼ sakam, dare, nạ̃ṛĩ, anaj, ar phosolko do baṅ janam akan tahẽkana, ente Probhu Isor do dhạrtire dakʼ reakʼ bae bebosta akatʼ tahẽkana. Ona chaḍa jumire cas lạgitʼ manwa hõ bako tahẽkana.

2 Rapajko 19:15

Ar Hiskiạ do Probhu Isor ṭhen noae koekeda, “E Probhu Isor Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada.

2 Bõsbudạ 2:12

Hirạm do arhõe olkeda, “Israelren Probhu Isor doe bhạgangea, one okoe do ot ar sermae sirjạu akatʼ. Uni do Dạud raj nonkan mitʼṭen akelan hopone em akawadea uniyakʼ bud ar bujhạu reakʼ daṛe menakʼtae ar okoe do Probhu Isor lạgitʼ mitʼṭecʼ oṛakʼ ar apnar lạgitʼ mitʼṭecʼ raj oṛakʼe benao lạgidokʼkan.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Jobakʼ 12:9

Onko sanamgeko baḍaea Probhu Isorakʼ daṛegeye nonkayeda.

Sereńko 104:2

Kicricʼ lekage am do marsalem horokʼ akawana; rimilge am do tạmbu lekam ṭaṅgao akada.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Sereńko 33:9

Ente uni doe menkeda ar sanamakʼ do sirjạuena; uni doe hukumkeda ar sanamakʼ tearena.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Exodus 31:17

Niạ din do iń ar Israelko talare jaejug lạgitʼ mitʼṭecʼ cinhạ kana, ente iń do turui dinre serma ar ot iń sirjạu akada ar eae din hilokʼre do cetʼ hõ bạń kạmileda.”

Jesaea 34:4

Sermaren siń cando, ńindạ cando ar ipilko doko marao utạrokʼa ar serma do kagoc leka lạṭumokʼa. Cetʼleka darkha nạ̃ṛĩ ar loa jo dare khon rohoṛ sakamko ńurokʼ onkage sanam ipilkoko ńurokʼa.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Jesaea 45:12

Ińge dhạrti sirjạukate onare manwań sirjạukedea; iń do ińakʼ tite sermań pasnao akada ar sermaren siń cando, ńindạ cando ar ipilkoń benao akatʼkoa.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jesaea 48:13

Ińakʼ tite pirthimi reakʼ rehetʼ iń bạisạu akada ar jojomtite sermakoń pasnao akada; ar onakoń hohowakʼre mitʼ domte teṅgo godokʼ kana.

Jesaea 55:9

Sermako cetʼleka dhạrti khon ḍher coṭge, onkage ińakʼ horko hõ apeakʼ horko khon ḍher sạṅgińgea, ińakʼ hudisakʼko hõ apeakʼ hudisakʼko khon ḍher coṭgea.

Jesaea 65:17

“Ńelpe, iń do nãwã serma ar nãwã dhạrtiń sirjạua. Lahateakʼ do baṅ disạkʼa. Ar monre hõ baṅ rakapʼa.

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Jirimiạ 10:16

Jakob reakʼ bakhra do noako leka do baṅkana, ente unige sanamakʼ jinisko reakʼ sisirjạuicʼ kanae ar Israel do uniyakʼ sompotti kana. Uniyakʼ ńutum do phạdkoren Probhu Isorge.

Jirimiạ 8:2

Ona jaṅko do siń-cando, ńindạ-cando ar sermaren sanam ipilko samaṅre giḍi akan tahena, ente onko do sermaren sanamgeko dulạṛetʼko tahẽkana arko sewawako kan tahẽkana ar onkoko pańjayetʼko tahẽkante, onko sãoteko solhayetʼ tahẽkana arko sewawako kan tahẽkana. Ar ona jaṅko do jarwakate bako topakakʼa, bickom onako do otre guricʼmande lekage hoyokʼa.

Sakariạ 12:1

Noa kangea Israel babotre Probhu Isorakʼ katha do. Probhu Isor, one okoe do sermae aṭetʼ akatʼ, okoe do dhạrti reakʼ rehetʼe bạisạu akatʼ, okoe do manwa bhitrire Jiue sirjạuakawade, uniye meneda,

Luk 2:13

Ar ackage uni serma goḍet soṅgete arhõ aema goḍetko ńelena. Onko do Isor sarhaoate memenko ehopʼena,

Aposkạmi 4:24

Noa katha ańjomkate onko do mitʼ monte Isor ṭhen nonkako koekeda,” E Probhu Isor, am do serma ar ot ar jalapuri ar onare menakʼ jotowakʼem sirjạu akada.

Aposkạmi 7:42

Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Dosar Biboron 17:3

Ar hoedaṛeakʼa uni do ińakʼ hukum birudre senkate debotakoe sewawako ar onko debota se siń cando, ńindạ cando se sermaren ipilkoe sewawako.

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Ibriko 4:3

Menkhan abo do bon pạtiạu akana ar uniyakʼ ona gokʼakʼ reakʼ jirạukʼ jaegare bon boloakana. Ar noa jirạukʼ reaṅ do Isore menakada, “Onate iń do edrete kiriạyenteń menleda, ‘onko do ińakʼ jirạukʼ jaegate ohoko bolo daṛelena.’ ” Menkhan noare jãhãn bhul bạnukʼa je, dhạrti sirjạu tayom Isorakʼ kạmi sạten khan jirạukʼ ehopʼena mente.