Genesis 19:24 - সান্তালী বাইবেল

²⁴ Ona tayomge Probhu do sermaren Probhu Isor ṭhen khon Sodom ar Gomora cetanre gondhok ar seṅgel dakʼe jạ̃ṛĩkeda.

Genesis 19:24 Iomraidhean Croise

Genesis 13:10

Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Genesis 13:12

Abram do Kanan disạmre ar Lot do ona bilạn ṭạnḍi reakʼ nagrahako talareye girobasena. Uni do Sodom nagraha ṭhene ḍerayena.

Genesis 18:17

Unre Probhu Isore menkeda, “Okaṭakʼ iń cekae lạgidokʼkan ona do cetʼ Abraham khoniń danaṅkakʼa?

Genesis 19:23

Lot do tinre Soarteye seṭerena unre siń cando doe rakapʼena.

Jobakʼ 1:16

Uni hoṛ do unhõ kathae roroṛkan tahẽkanrege ar mitʼ hoṛ do hecʼkateye menkeda, “Serma khon Isorakʼ seṅgel ńurente amren bhiḍiko ar gutikoe maraoketʼkoa. Ar am khoboram lạgitʼ iń eskargeń sarecʼ akana.”

Jobakʼ 18:15

Uniyakʼ tạmbure apnarakʼ mente cetʼge baṅ tahentaea; uniyakʼ tahen ṭhạ̃ire jolokʼkan gondhok do chiṭiạukʼa.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Exodus 9:23

Unre Mose do serma secʼ acʼakʼ ṭheṅgae tulkeda. Ar Probhu Isor do huḍur ar arele kolketʼte ńurokʼ ehopʼena ar ona sãote seṅgel ńurokʼ hõ ehopʼena. Nonkage Probhu Isor do Misor disạmre arele kolkeda.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Jesaea 13:19

Sanam rajosṭiko reakʼ ṭhonok Babel ar Kạldikoakʼ gorbo Isor do Sodom ar Gomora lekae dhaṅdhaser ocoya.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jirimiạ 20:16

Probhu Isor do daya baṅkate one sanam nagrahae maraoletʼ uni hoṛ do onka baṛeye hoyokʼma. Uni do setakʼ jokhecʼ guhere ańjomma ar tikin do lạṛhại reakʼ andoṛge;

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jirimiạ 49:18

Iń Probhu Isorge noa katha doń meneda, aḍepase atoko sudhạ cetʼ leka Sodom ar Gomorań ḍahao maraoletʼ onkage Edomre hõ celege bako girobasokʼa; onare cele manwage bako tahena.

Jirimiạ 50:40

Ar beṛhaeteakʼ atoko sudhạ cetʼ leka Sodom ar Gomorań ḍahao maraoletʼ, onkage onḍe do celege bako girobasokʼa; ar onare cele manwage bako tahena. Iń Probhu Isorge noa katha doń meneda.

Rak̕joṅ 4:6

Ente ińren hoṛkoren hoponerawakʼ ḍạnṭao do maraṅge tahẽkana, Sodom reakʼ kại khon do, one ona mitʼ ripitʼtege jalao maraolen; ar onare tige baṅ lagaolena.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Luk 10:12

Ińiń metapekana, bicạr dinre ona ato reakʼ khon Sodom nagraha reakʼge boroṅ ḍher sahaokʼa.

Dosar Biboron 28:24

Probhugeye nonkaea jemon apeakʼ disạmre dakʼ bodolte serma khon dhuṛi ar gitilge ńurokʼa. Ar ạuripe caba utạrokʼ hạbicʼ ape cetanre onako ńurokʼa.

Dosar Biboron 29:22

“Nonkate noa disạm cetanre oka hạnko hijukʼ ar Probhu Isor okako rog bighin noa disạm cetanreye kol ona reaṅ aperen bõsko ar sạṅgiń disạm khon hijukʼkan bidisiạko hõ noako ńela.

Dosar Biboron 29:23

Goṭa disạmge buluṅ ar gondhokte ḍahao reḍha akana. Onare cetʼge baṅ er ar rohoeyokʼa, se onare cetʼge baṅ janamokʼa ar ghãs hõ baṅ omonokʼa. Noa disạm do Sodom, Gomora, Adma ar Seboyim leka hoyokʼa one oka do Probhu Isor raṅgao ar edreteye jalao maraoletʼ.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.