Genesis 19:14 - সান্তালী বাইবেল

¹⁴ Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Genesis 19:14 Iomraidhean Croise

Genesis 19:15

Setakʼen khan unkin serma goḍet do Lot usạrae lạgitʼkin metadea, “Ma usạragod me. Amren bạhu ar amren banar kuṛi okoe do nonḍe menakʼkin unkin salakʼ oḍok hijukʼme. Ar baṅkhan oka sạjại noa nagraha cetanre pheḍ hijukʼkan onare am hõm paṛaokʼa arem ḍahao marao utạrokʼa.”

Genesis 19:17

Arko oḍoken khan unkin bar hoṛ modre mitʼ hoṛ doe menkeda, “Bańcaokʼem menetʼ khan dạṛme. Tayom secʼ alogem koyokʼ ruạṛa ar noa bilạn ṭạnḍire okare hõ alom teṅgokʼa. Burute dạṛpe; ar baṅ khan ape hõpe gujukʼa.”

Genesis 19:22

Menkhan ma usạrate nonḍe khon dạṛme. Ente onḍe ạurim seṭerokʼ hạbicʼ iń do cetʼge bạń ceka daṛeakʼkana.” Lotakʼ katha iạte ona ato reakʼ ńutum do Soar hoyena (metakʼme “Huḍiń”).

2 Bõsbudạ 30:10

Khobor akʼsenko do Ephrayim ar Manase reakʼ sanam ato ar nagrahako ar Sebulon hạbicʼko senena, menkhan onḍenko hoṛ do onkoko landa-dhutʼatʼkoa.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Exodus 12:31

Pharao do enhilokʼ ńindạge Mose ar Arone hoho ạgu ocoketʼkinteye metatʼkinạ, “Aben do Israelko soṅgekate ińren hoṛko tala khon oḍokokʼ ben. Ar cetʼleka ben menetʼkan onkage senkate aperen Probhu Isor sewawaepe.

Exodus 9:21

Menkhan okoe ona bako luturatʼ onko do akoren golamko ar gại-ḍaṅgrako ṭạnḍiregeko dohokatʼkoa.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Jesaea 28:22

Onate ńitokʼ apeakʼ ṭiṭkạri katha do thirtape, ar baṅkhan apeakʼ totolakʼ do arhõ urijokʼtapea; ente phạdkoren Probhu Isorakʼ mocare goṭa dhạrti jarkharokʼ reakʼ kathageń ańjomakada.

Jirimiạ 20:7

E Probhu Isor, am dom bulạu kedeńte ińakʼ nonka dosa do hoyakantińạ; ar iń khonem daṛegete am dom jitạu akana. Iń do goṭa dinge landa-dhutʼạń kan hoṛgeń hoyakana; ar sanam hoṛge ińko siṛogạń kana.

Jirimiạ 43:1

Probhu Isor do Jirimiạ okako katha hoṛko ṭhen lại jạhir lạgitʼe kollede ar tinre onako kathae lại mucạtʼkeda unre Hosaya hopon Asaria, Karea hopon Johanan ar sanam bạḍạiyan hoṛko do Jirimiạko metadea, “Am do eṛe katham roṛeda. ‘Misorte upriạ tahen lạgitʼ do alope calakʼa’ niạ katha roṛ lạgitʼ aleren Probhu Isor do bae kol akatʼmea.

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jeheskel 20:49

Unre ińiń menkeda, “E Probhu Isor, hoṛko iń reaṅko meneda, iń do eken phenkote noa doń roṛeda.”

Numeri 16:21

“Aben do eṭakʼ sanam hoṛko khon begarokʼ ben, jemon ńitge onkoń maraoko.”

Numeri 16:26

Mose do Israelkoe metatʼkoa, “Noko bạṛicʼ ar ṭhok hoṛkoakʼ tạmbu ṭhen khon ocogokʼpe. Onkoakʼ jãhãnakʼ jinisge alope joṭeda; arpe onkae khan onkoakʼ kại iạte ape hõpe marao ocokʼa.”

Numeri 16:45

“Aben do noko hoṛko khon pharakokʼ ben; ńitge onko doń marao cabakoa.” Noa katha ańjomkate unkin do otre kin ombakʼena.

Mathae 1:18

Jisu Mạsiyakʼ janam do nonka leka hoelena. Jisuren eṅgat Mạriạm do Joseph tulucʼ baplakʼ reakʼ ṭhik akantae tahẽkana, menkhan unkin ạurikin mitʼ ṭhenokʼrege Sonot Jiu reakʼ daṛete Mạriạm doe bhạrti hoṛmoyena.

Mathae 9:24

Onate Jisui metatʼkoa, “Ape do bahrete oḍokokʼpe. Kuṛi do bae gocʼakana, ekene jạpitʼ akada.” Noa katha ańjomkate onko do uniko landa dhutʼadea.

Luk 24:11

Menkhan onako katha do onko ṭhen ạuṛiyakʼ lekage bujhạuena. Onate onko maejiukoakʼ kathate bako pạtiạulena.

Luk 9:42

Ado tinre koṛa do Jisu ṭhene hijukʼkan tahẽkana unre bạṛicʼ jiu do uniye mocṛao bhinḍạṛkedea. Onate Jisu do bạṛicʼ jiue dhomkaokedea ar koṛae bogekedete eṅgat-apat ṭhene jimạkadea.

Aposkạmi 17:32

Ado gocʼko arhõko jiwetʼ beredokʼa menteko ańjomketʼ khan onko modren adomko doko cigạriyadea, menkhan eṭakʼko doko menkeda, “Ale do noa reaṅ arhõle ańjoma.”

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.