Genesis 19:12 - সান্তালী বাইবেল

¹² Tayomte unkin hoṛ do Lotkin kulikedea, “Noa nagrahare jãwãe goṅkem, gidrạko se jãhãe peṛako menakʼkotama? Onko sanamko soṅgekate noa ṭhạ̃i khon oḍok calakʼme,

Genesis 19:12 Iomraidhean Croise

Genesis 19:11

Ona tayom unkin do bahrereko teṅgo akan tahẽkan juạn ar haṛamkoakʼ mẽtʼkin kãṛã ocoketʼtakoa ar onate cetʼge bako ńelńam daṛeada. Onate onko do duạr sendrateko laṅga cabayena.

Genesis 19:13

ente noa ṭhạ̃i ḍahao marao lạgitʼge ạliń doliń sapṛao akana. Ente noa ṭhạ̃iren hoṛkoakʼ rakʼ do Probhu Isor ṭhen seṭer akana, ar ạliń do ona ḍahao marao lạgitʼ liń kol ocoakana.

Genesis 19:14

Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Genesis 19:17

Arko oḍoken khan unkin bar hoṛ modre mitʼ hoṛ doe menkeda, “Bańcaokʼem menetʼ khan dạṛme. Tayom secʼ alogem koyokʼ ruạṛa ar noa bilạn ṭạnḍire okare hõ alom teṅgokʼa. Burute dạṛpe; ar baṅ khan ape hõpe gujukʼa.”

Genesis 19:22

Menkhan ma usạrate nonḍe khon dạṛme. Ente onḍe ạurim seṭerokʼ hạbicʼ iń do cetʼge bạń ceka daṛeakʼkana.” Lotakʼ katha iạte ona ato reakʼ ńutum do Soar hoyena (metakʼme “Huḍiń”).

Genesis 7:1

Noa tayom Probhu Isor do Noha arhõe metadea, “Am ar am gharońjrenko ape do jahajte bolokʼpe. Ente ińiń ńeleda, hoṛko modre eken amgem dhoromgea.

Jirimiạ 32:39

Iń do nonkan mon ar ontoriń emakoa onko do eken iń secʼgeko ạwilokʼa; onate onko do ako apnarte ar onkoren hopon ar hoponerakoakʼ bhạlại lạgitʼ jao okte ińko botorạńạ.

Jirimiạ 51:45

“E ińren hoṛko, Babel khon oḍok hijukʼpe. Apan ạpin jiwi rukhiyạitape. Probhu Isorakʼ jolokʼkan edre khon ńir pharakokʼpe.

Numeri 16:26

Mose do Israelkoe metatʼkoa, “Noko bạṛicʼ ar ṭhok hoṛkoakʼ tạmbu ṭhen khon ocogokʼpe. Onkoakʼ jãhãnakʼ jinisge alope joṭeda; arpe onkae khan onkoakʼ kại iạte ape hõpe marao ocokʼa.”

2 Patras 2:7

Menkhan uni do Loṭe rukhiyạledea. Loṭ do Isor bhokti hoṛe tahẽkana. Uni do onḍenko ạn-ạri bebataoetʼkan hoṛkoakʼ lucạlamoṭ iạte duke ńametʼ tahẽkana.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

Johan sodor 18:4

Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.