Genesis 18:8 - সান্তালী বাইবেল

⁸ Abraham do ona isin akatʼ jel sãote toa ar dahe hõe ematʼkoa. Ar tinreko jojomkan tahẽkana unre Abraham do onko sorre dare buṭạreye teṅgo akan tahẽkana.

Genesis 18:8 Iomraidhean Croise

Genesis 18:7

Ar ona tayom Abraham do ńir senkate pal khon mitʼṭen mońj phẽṭaṛe ạgukedete acʼren gutiye emadea. Ar guti do usạrate uniye isinkedea.

Genesis 18:9

Onko do Abrahamko kulikedea, “Amren bạhu Sara do okare menaea?” Uniye menkeda, “Tạmbu bhitrire menaea.”

Genesis 19:3

Menkhan Lot do ạḍiye jorae moṭketʼkin khan unkin do uni sãote senkate uniyakʼ oṛakʼtekin boloyena. Tayomte Lot do bin khạmiyanakʼ piṭhại sekao isinketʼte unkin lạgitʼ mońj jomakʼe tearkeda, arko jom ńũkeda.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Jesaea 7:15

Oka bạṛicʼakʼ kan ona phesṛao giḍikakʼ ar oka bhageakʼ ona bachao joṅ reakʼ oktere uni do dahe ar dumur rasae joma. Menkhan E Ahas raj, ona reakʼ okteko ạurirege okoeyem botorakin kan unkin banar rajakʼ disạm do ujạṛokʼa.

Luk 12:37

Bhạgangeako onko guti do, one okoe do jagwar tahene hecʼ ńamko. Sạrigeń metapekana, uni kisạ̃ṛ do ḍanḍare kicricʼe paṭhekʼte onkoe duṛupʼ ocokoa ar hecʼkate acʼgeye jom ocokoa.

Luk 17:8

Onka do baṅa, bickome metaea, ‘jomakʼ tearạńme, ar ạuriń jom ńũi hạbicʼ ḍanḍa paṭhekate sapʼsorạńme. Ar ona tayom do amem joma.’

Luk 24:30

Ado unkin tulucʼ jojome duṛupʼenre uni do piṭhạ ataṅkate Isore gunmanao joharadea are kecakʼketʼteye ematʼkinạ.

Luk 24:43

Uni do ona ataṅkate onko samaṅreye jomkeda.

Johan 12:2

Onḍe onko do Jisu lạgitʼ jomakʼko tearkeda. Ar Martha doe sapʼsorako kan tahẽkana. Ar okoeko Jisu tulucʼ jojomko duṛupʼ akan tahẽkan onko modre Lasar hõe tahẽkana.

Aposkạmi 10:41

Menkhan sanamko do bako ńelledea, eken okoe gohako Isor do lahareye bachao dohoakatʼko tahẽkan onkogeko ńelledea, metakʼme gocʼko khon jiwetʼ beretʼ tayom ale do uni sãotele jom-ńũleda ar alege unile ńelledea.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Johan sodor 3:20

Ńelme, iń do duạrre teṅgokate silpińiń ṭhopʼ ṭhopʼetʼ kana. Jãhãege ińakʼ aṛaṅ ańjomkate silpińe jhicʼạń, enḍekhan bhitrite uni ṭheniń bolokʼa ar uni tulucʼiń jom ńũiya, ar uni hõ iń tulucʼe joma.

Bikʼcạrko 13:15

Unre Manoho do Probhu Isorren goḍete metadea, “Merom boda hoponakʼ jel isinkate ạuriliń ạguam hạbicʼ; am do thoṛa ghạṛicʼ tahẽ hataṛokʼme.”

Bikʼcạrko 5:25

Sisera dakʼe khojletʼre uni do toae ạguadea; ar mońj okocʼ bạṭite dahegeye emadea.