Genesis 18:32 - সান্তালী বাইবেল

³² Unre Abrahame menkeda, “Ińren Probhu Isor do alo baṛeye ạṛisokʼma, iń do ar mitʼ dhaoiń meneda, onḍe eken gel hoṛko ńamokʼ?” Uniye menkeda, “Onko gel hoṛko iạte iń do ona nagraha bạń maraoa.”

Genesis 18:32 Iomraidhean Croise

Genesis 18:30

Abrahame menkeda, “Ińren Probhu Isor do ińakʼ kathate aloe ạṛisokʼma. Onḍe jodi pegel dhorom hoṛko ńamokʼ?” Uniye menkeda, “Pegel dhorom hoṛko ńamlen khan ona do bạń maraoa.”

Genesis 18:31

Abrahame menkeda, “Dilkate Probhu Isor sãote tinre kathań roṛeda unre arhõń meneda, jodi onḍe bargel hoṛko ńamokʼ?” Uniye menkeda, “Onko bargelko iạte ona do bạń maraoa.”

Genesis 44:18

Unre Jihudạ do Joseph ṭhen senkateye menkeda, “Hujur, am do Pharaoakʼ jaegare menama, onate amren golam am ṭhen thoṛa katha roṛ lạgitʼ aṛakʼạńme. Amren golam cetanre alom edrekʼa.

Jobakʼ 33:23

“Mitʼṭen serma goḍet uni lạgitʼe tahen, hajar goḍetko talare mitʼṭen roṛ dodokʼicʼe tahen uni lạgitʼ okaṭakʼ ṭhikkan ona jạhirae lạgitʼ,

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Exodus 32:14

Niạ katha ańjomkate Probhu Isor do daya hecʼadea. Uniren hoṛko cetanre oka muhin ạgui reakʼ kathae menletʼ ona do ar bae ạguleda.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Jesaea 65:8

Probhu Isore meneda, “Darkha jo reakʼ thopare rasa menakʼa ńelte cetʼleka hoṛko men, ‘alom nosṭoea, ńithõ onare bhageakʼ menakʼa,’ onkage ińren gutiko modre joto do bạń maraokoa.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Mathae 7:7

“Koepe, ado emapea; ńam baṛaepe, adope ńama, duạr ṭhopʼ ṭhopʼpe, ado jhicʼapea.

Ephesiko lạgitʼ Pạul Apostolakʼ ciṭhi 3:20

Aboakʼ ontorre Isorakʼ oka daṛeye kạmiyetʼkan ona daṛe lekate uni do aboakʼ koejoṅ ar hudis khon hõ ḍher bạ̃ṛtiye kạmiyeda.

Bikʼcạrko 6:39

Ona tayom Gideon do Isore metadea, “Iń cetanre alom raṅgaokʼa. Iń do eken ar mitʼ dhaoiń biḍạumea. Ńitokʼ do bhiḍi upʼ rohoṛge tahenma ar otre do sisir ńurhạkʼma. ”