Genesis 18:20 - সান্তালী বাইবেল

²⁰ Ona tayom Probhu Isore menkeda, “Sodom ar Gomora upạrte ạḍi gulmal calakʼkana, ar onkoakʼ kại do ạḍi bạṛicʼgetakoa.

Genesis 18:20 Iomraidhean Croise

Genesis 13:13

Sodomren hoṛko do ạḍi bạṛicʼko tahẽkana onko do Probhu Isor upạrte ạḍiko ghạṭ akatʼ tahẽkana.

Genesis 19:13

ente noa ṭhạ̃i ḍahao marao lạgitʼge ạliń doliń sapṛao akana. Ente noa ṭhạ̃iren hoṛkoakʼ rakʼ do Probhu Isor ṭhen seṭer akana, ar ạliń do ona ḍahao marao lạgitʼ liń kol ocoakana.

Genesis 19:4

Menkhan unkin ạurikin gitijokʼrege Sodomren sanam juạn ar haṛam hoṛko do hecʼkate oṛakʼko esetʼ ạcurkeda.

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Genesis 6:12

Isor do dhạrti secʼe beṅgetʼkeda ar goṭage kharap caba akane ńelkeda, ente dhạrtiren manwakoakʼ sobhab do sea akan tahẽkana.

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jeheskel 16:46

Ar ạjim do Samariạ kanae; one uni am khon utạr secʼre acʼren hoponerako sãoteye tahẽnkan. Amren bokom kuṛi Sodom; one uni do acʼren hoponerako sãote dạkhinreye tahẽnkan.

Joel 3:13

Onkoakʼ dusṭạmi do ḍhergetakoa, ona iạte ma datrom calaope, ente phosol do bele akana. Ape do hecʼkate darkha jo lenpe, ente darkha jo lelen reakʼ kunḍ do cehel cepel akana. Darkha rasa reakʼ bhajan khon rasa do se oḍokokʼ kana.”

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.