Genesis 18:16 - সান্তালী বাইবেল

¹⁶ Noa tayom onko pe hoṛ do onḍe khonko beretʼena ar Sodom secʼko beṅgetʼkeda. Ar Abraham do onko koyokʼgotʼkako lạgitʼ onko sãote thoṛa sạṅgiń ńokʼe calaoena.

Genesis 18:16 Iomraidhean Croise

Genesis 18:15

Unre Sara do botor rakapʼadete landa reakʼ kathae baṅketʼteye menkeda, “Baṅa, iń do bacoṅ landa akatʼ.” Menkhan Probhu Isor doe menkeda, “Ona do sạri katha do baṅkana; am dom landa akatʼgea!”

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

Genesis 18:22

Unre eṭakʼ bar hoṛ do ạcurente Sodom secʼ calakʼkin ehopʼena ar Abraham do Probhu Isor samaṅreye teṅgo tahẽyena.

Genesis 19:1

Enhilokʼge ạyupʼ jokhecʼ unkin serma goḍet do Sodom nagrahatekin seṭerena. Lot do unre nagraha reakʼ phaṭok duạr ṭhene duṛupʼ akan tahẽkana. Unkin ńelte uni doe beretʼena ar otre ombakʼkate ḍobokʼatʼkinteye menkeda,

Aposkạmi 15:3

Antiokiạ manḍerrenko do onkoakʼ calakʼ reakʼko bebostakeda. Ado Phoenikiạ ar Samariạ Prodes talate calakʼ jokhecʼ Pạul ar Barnabas do hoṛkokin baḍae ocoketʼkoa, boṅgan hoṛ jạtrenko do Isor secʼ cetʼlekako ạcurokʼkana mente. Ar noa khobor ańjomkate sanam biswạsikoge ạḍiko kusiyena.

Aposkạmi 20:38

Pạulakʼ mẽtʼãhã ar bako ńelńam iạte ạḍitetʼko bhabnayena. Ar noa tayom onko do jahaj hạbicʼko koyokʼ gotʼkadea.

Aposkạmi 21:5

Onako din paromen khan ale do onkole bạgiyatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar jalapuri ḍhipre ikhṛumentele koejoṅana.

Romiko lạgitʼ Pạul Apostolakʼ ciṭhi 15:24

onate ńitokʼ Spaniạ disạmte parom calakʼ jokhecʼ ape ṭhen calakʼ iń menjoṅ kana. Ar asiń dohoyeda, ona horte sen paromokʼ jokhecʼ apeń ńel torapea ar ape tulucʼ thoṛa okte rạskạte khemao tayom apege Spaniạ disạmte calakʼ reakʼpe bondobosạńạ.

3 Johan 1:6

Onko do manḍerre sanamko samaṅre amakʼ dulạṛ reakʼ kathako roṛeda. Ar Isor jemone kusikʼ onkaleka onko calakʼ reaṅem bebosta ako khan boge hoykokʼa.