Genesis 17:9 - সান্তালী বাইবেল

⁹ Isor do Abraham arhõe metadea, “Noa bondobos do amakʼ okaṭakʼ cekae reakʼ menakʼ ona do noage: Am ar amren sanam hoponko piṛhike piṛhi noa bondobosko manao idiya.

Genesis 17:9 Iomraidhean Croise

Genesis 17:23

Isorakʼ katha leka Abraham do enhilokʼge Ismaele khatna ocokedea. Ona sãote uni do kirińko se oṛakʼreko janam akan nonkan sanam gutiko, metakʼme uniyakʼ oṛakʼren sanam herel hoponkoe khatna ocoketʼkoa.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Sereńko 25:10

Probhu Isorakʼ bondobos ar ạn lekate okoeko calakʼkan, onko ṭhen uniyakʼ sanam hor do asambheṛ dulạṛ ar pạtiạrte perecʼgea.

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.