Genesis 17:3 - সান্তালী বাইবেল

³ Ona iạte Abram do otreye obmakʼena ar Isor do uni sãote katha roroṛe ehopʼena.

Genesis 17:3 Iomraidhean Croise

Genesis 17:17

Noa katha ańjomkete Abraham do otreye ombakʼena ar landawate mon monteye menkeda, “Enḍekhan sạrige mitʼ sae umerren haṛamren hopone hoyokʼa, ar uni are gel umerren maejiuakʼ kukhire!”

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

1 Rapajko 18:39

Noa ńelte sanam hoṛ do otre taberente ãṭ aṛaṅte hohoateko menkeda, “Probhu kangeae Isor do, Probhu kangeae Isor do.”

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Jeheskel 1:28

Dakʼ dinre rimil tala khon liṭạ akʼ leka ona beṛhaete ona marsal do ńelokʼkan tahẽkana. Okań ńelketʼ ona do Probhu Isorakʼ ṭhonokge tahẽkana. Ona ńelte iń do otreń ombakʼena ar mitʼ hoṛ katha roroṛiń ańjomkedea.

Jeheskel 3:23

Onatege iń do beretʼkate bilạn ṭạnḍiteń oḍok calaoena. Ar Kebar gaḍa aṛere Probhu Isorakʼ oka ṭhonok iń ńelletʼ onkan ṭhonokge onḍe hõń ńelkeda; ar iń doń ombakʼena.

Jeheskel 9:8

Unre iń do mundilre eskargeń tahẽkana. Ar ona jokhecʼ iń do ombakʼkateń menkeda, “Hae, Probhu Isor! Jerusalem cetanre amakʼ edrem dulte cetʼ Israelren sarecʼ sanam hoṛkom marao giḍikoa?”

Daniel 10:9

Ona tayom do uni hoṛakʼ kathań ańjom ńamkeda ar uniyakʼ katha ańjomtorage iń do otre acetge ombakʼ akaniń tahẽyena.

Numeri 14:5

Niạ obosta ńelte Mose ar Aron do Israelren goṭa dolrenko samaṅre otre kin taberena.

Numeri 16:22

Menkhan Mose ar Aron do otre ombakʼ hapeyentekin menkeda, “E Isor, am do sanam manwakoren babańcaoicʼ kanam. Eken mitʼ hoṛe kại akatʼte cetʼ goṭa Israel somaj cetanre amakʼ edrem sodortama?”

Numeri 16:45

“Aben do noko hoṛko khon pharakokʼ ben; ńitge onko doń marao cabakoa.” Noa katha ańjomkate unkin do otre kin ombakʼena.

Mathae 17:6

Noa katha ańjomkate celako do ạḍiko botorena ar otreko taber hapeyena.

Josuạ 5:14

Uni doe roṛ ruạṛkeda, “Okoe secʼren hoṛ hõń baṅkana. Iń do Probhu Isoren palṭon dolren senapoti kạnạń; ar ńitokʼ do nonḍeń hecʼakana.” Niạ katha ańjomkate Josuạ do otreye ombakʼente uniye ḍobokʼ adea are kulikedea, “Ińren Probhu Isor do cetʼ acʼren guti jãhãnakʼ metae lạgitʼe menjoṅkana?”

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

Bikʼcạrko 13:20

Seṅgel reakʼ lepʼ tinre pinḍ khon cetante serma secʼ rakabokʼkan tahẽkana unre Probhu Isorren goḍet do ona lepʼ seṅgelte coṭteye rakapʼ calaoena. Ar noa ńelte Manoho ar uniren bạhuttetʼ do otrekin ombakʼ hapeyena,