Genesis 17:23 - সান্তালী বাইবেল

²³ Isorakʼ katha leka Abraham do enhilokʼge Ismaele khatna ocokedea. Ona sãote uni do kirińko se oṛakʼreko janam akan nonkan sanam gutiko, metakʼme uniyakʼ oṛakʼren sanam herel hoponkoe khatna ocoketʼkoa.

Genesis 17:23 Iomraidhean Croise

Genesis 14:14

Abram do tinreye ańjomkeda, acʼren sor peṛa do onko rajko sapʼ idiakadea unre uni do acʼren pesae irạl gel gạkhuṛ lạṛhại gutikoanteye oḍok calaoena ar Dan nagraha hạbicʼ bạirikoe khudạu idiketʼkoa. Noko gutiko do acʼakʼ oṛakʼregeko janamlena.

Genesis 17:9

Isor do Abraham arhõe metadea, “Noa bondobos do amakʼ okaṭakʼ cekae reakʼ menakʼ ona do noage: Am ar amren sanam hoponko piṛhike piṛhi noa bondobosko manao idiya.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 34:24

Onate nagraharen sanam herel hoṛ do Hamor ar uniren hopon Sikemakʼ kathateko rạjiyena, arko khatna ocoyena.

Sereńko 119:60

Okakom hukum akawạdiń ona do ạḍi usạrageń manao akada, ar baṅgeń bilomleda.

Kạhtukko 27:1

Gapa din lạgitʼ do alom sarhaokʼa, ente oka hilokʼ cetʼ hoyokʼa ona do bam baḍaea.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Aposkạmi 16:3

Ar Pạul do soṅgete Timothi iditoraye menjoṅante uniye khatna ocokedea, ente onako ṭoṭhare okoe Jihudikoko tahenkan tahẽkan onko doko baḍaekan tahẽkana Timothiren apattetʼ do mitʼṭen Junạni hoṛ kanae.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

Galathiko lạgitʼ Pạul Apostolakʼ ciṭhi 6:15

Khatna ar bin khatna do cetʼ porhoge bạnukʼa, menkhan maraṅ katha do hoyokʼ kana Mạsi hotete nãwã sirjonge.