Genesis 17:16 - সান্তালী বাইবেল

¹⁶ Iń do uniń bhoraea ar nonkan mitʼṭen hoponiń emama. Uni do arhõń bhoraea jemon ạḍi utạr jạtkoren ar onkoren rajkoren eṅgate hoyokʼ.”

Genesis 17:16 Iomraidhean Croise

Genesis 1:28

Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 15:4

Unre Probhu Isor do Abram metadea, “Baṅa, uni do bae hoyokʼa. Amren hoponge amakʼ sompottiren ạidạriyicʼe hoyokʼ.”

Genesis 17:15

Isor do Abraham arhõe metadea, “Amren bạhu Sạri do Sạri mente ar do bae hoho ocokʼa. Uniyakʼ ńutum do Sara hoyokʼtaea.

Genesis 17:19

Unre Isore menkeda, “Amren bạhu Sara do sạrige gidrại hoyokʼtaea, ar uniyakʼ ńutum do Isahakem dohoytaea (metakʼme ‘landa’). Uni ar uni bõsren hoṛko lạgitʼ iń do ińakʼ jaejug hạbicʼ bondobosiń dohoya. Tobe Ismael reaṅ okam menketʼ iń doń ańjomkeda.

Genesis 17:6

Iń do amakʼ bõskoń saṅge ocoytama. Ar am khon aema jạtrenkoń sirjạukoa, ar am khon ạḍi utạr rajko janamokʼa.

Genesis 21:1

Probhu Isor do acʼakʼ katha lekage Sarae hirikedea ar uni lạgitʼ okaṭakʼe gokʼakatʼ tahẽkan onae onkakeda.

Genesis 24:60

Onko do Rebeka bhoradeteko metadea, “E mạ̃i, am do ạḍi utạr gidrạkoren gogo baṛe hoyokʼme. Amren hoponko jemon bạirikoakʼ sanam nagrahako jitạu daṛeakʼ.”

Genesis 25:23

Probhu Isor do uniye metadea, “Amakʼ kukhire barea jạtrenkoakʼ etohopʼ hoyakana, janam khonge unkin do barea bõskin hoyokʼa. Mitʼṭen khon eṭakʼicʼakʼ daṛe do ḍherokʼa, ar maraṅicʼ do huḍińicʼren gutiye hoyokʼa.”

Genesis 35:11

Isor do arhõe metadea, “Iń do phạdkoren Isor kạnạń. Am do ạḍi utạr hoponkoren apatem hoyokʼa arpe saṅgekʼa. Iń do am khonge mitʼṭecʼ jạtrenkoń rakapʼkoa, ar mitʼṭecʼ ḍher bõsrenko benao rakabokʼa. Ar amakʼ bõsre aema rapajko janamokʼa.

Genesis 36:31

Israelko talare raj ạuriko hoyokʼre Edom disạmre okoe do rajokʼko ehopʼlen onkoakʼ ńutum do hoyokʼkana:

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Romiko lạgitʼ Pạul Apostolakʼ ciṭhi 9:9

Ona gokʼakʼ do noage, “Ṭhik oktereń ruạṛ hijukʼa ar Sararen do mitʼṭen koṛa gidrại hoyokʼtaea.”

Galathiko lạgitʼ Pạul Apostolakʼ ciṭhi 4:23

Uni kạ̃ṛmĩ era khonicʼ do jel lekateye janamena, menkhan sạdhin era khonicʼ do Isorakʼ gokʼakʼ hotetegeye janamlena.

1 Patras 3:6

cetʼ leka Sara do Abraham gobolreye tahẽkana ar uni do mạlik menteye hohowaekan tahẽkana. Okaṭakʼ bhageakʼkan ona bin botortepe kạmi idile khan, enḍekhan noage sạbudokʼa je, ape do Sararen hoponko kanape mente.