Genesis 17:13 - সান্তালী বাইবেল

¹³ Iń do arhõń meneda, okoe guti amakʼ oṛakʼreye janamakana se okoe do ṭaka poesateye kiriń akan, onko hõ sanamgeko khatna ocokʼa. Ar noage hoyokʼa apeakʼ hoṛmore ińakʼ jaejug reakʼ bondobos do.

Genesis 17:13 Iomraidhean Croise

Genesis 14:14

Abram do tinreye ańjomkeda, acʼren sor peṛa do onko rajko sapʼ idiakadea unre uni do acʼren pesae irạl gel gạkhuṛ lạṛhại gutikoanteye oḍok calaoena ar Dan nagraha hạbicʼ bạirikoe khudạu idiketʼkoa. Noko gutiko do acʼakʼ oṛakʼregeko janamlena.

Genesis 15:3

Am do hopon hõ bam emakawạdińa. Onate ińakʼ oṛakʼren mitʼṭen guti do ińakʼ sompottiren ạidạriyicʼe hoyokʼa.”

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Genesis 37:27

Uni mae aboren boehakange, ar unire hõ aboakʼ jel ar mãyãmge menakʼa. Onate uni do babon joṭedea, bickom Ismaelrenko ṭhen bon ạkhriń gotʼkaea.” Rubenren boehako do uniyakʼ noa kathako ańjomketʼtaea.

Genesis 37:36

Ar Midianko do Misorte Josephko idikedete Poṭiphar ṭhenko ạkhrińkedea. Poṭiphar do Pharaoren mitʼṭen maraṅ rajren kạmiyạ hoṛe tahẽkana, uni do rurukhiyạkoren sordargeye tahẽkana.

Genesis 39:1

Ar Joseph do Misor disạmteye idi ocoyena. Ismaelrenkoge uni do onḍeko idikedea. Ar Poṭiphar ńutuman Pharaoren mitʼṭen misri kạmiyạ hoṛ do onko ṭhen khon Josephe kirińkedea. Uni do Pharaoren rurukhiyạ dolkoren sordare tahẽkana.

Genesis 9:16

Rimilre tinre noa liṭạ akʼ ńelokʼa unre iń do ona ńelte dhạrtiren sanam jiwiyanko lạgitʼ ińakʼ noa bondobos reakʼ kathań disạya.”

Nehemiạ 5:5

Ale do mitʼ jạtren hoṛkangeale ar aleren gidrạko hõ onkoren gidrạko leka kangeako enhõ aleren hoponko ar hoponerako do golam menkate emokʼ hoyokʼkantalea, ar aleren hoponerako modre adomko do laharege kạ̃ṛmĩko hoyakana. Ńitokʼ do cetʼ ektiạrige bạnukʼtalea, ente aleakʼ jaega-jumi ar darkha bagwan do eṭakʼ hoṛkoakʼ hoyakana.”

Nehemiạ 5:8

Ińiń menkeda, “Be-Jihudiko ṭhen okoeko boehako ạkhrińlen tabon onko do daṛeakʼ bhor bon chaḍao ạgu akatʼkoa.” Ar ńitokʼ do aperen boehako ạkhrińokʼpe jormoṭetʼkoa, onate onko do arhõ kiriń ruạṛ lagao abona.” Niạ katha ańjomkate onko do hapegeko tahẽyena, ente roṛ ruạṛ reakʼ cetʼge baṅ tahẽkantakoa.

Exodus 12:44

Ṭakate kiriń akade golam do khatna tayom ona reakʼ jele jom daṛeakʼa.

Exodus 21:16

“Jãhãege mitʼṭen hoṛ kombṛokateye ạkhrińe se uni tireye ńamokʼ, enḍekhan uni hõ khạṭigeye gocʼ ocokʼa.

Exodus 21:2

“Golam lekate jãhãe Ibri hoṛpe kirińle khan, uni do turui bochor ape tabereye kạmiya, menkhan eae bochorre uni ṭhen khon jãhãnakʼ cetʼge alope hataoa uni do sạdhintepe sen ocoaya.

Exodus 21:4

Ar uni guti acʼren kisạ̃ṛgeye bạhuae khan ar uniren gidrạko janamlentae khan enḍekhan uniren bạhu ar gidrạko do kisạ̃ṛrengeko hoyokʼa; ar uni do eskargeye oḍok calakʼa.

Levitikus 22:11

Menkhan naekeye kiriń akade guti ar acʼakʼ oṛakʼreye janam akan nonkan jãhãe guti do onae jom daṛeakʼa.

Mathae 18:25

Uniyakʼ do halateakʼ cetʼ hõ baṅ tahẽkantaea. Onate kisạ̃ṛ doe hukumkeda uni ar uniren era hopon ar uniyakʼ menakʼakʼ jotowakʼko ạkhrińkate jemon paona ạdạiyokʼtae.