Genesis 17:12 - সান্তালী বাইবেল

¹² Piṛhike piṛhi aperen sanam herel hoponko do janam tayom irạl din hilokʼrepe khatna ocokʼa. Am bõsren jãhãegeye baṅkanre hõ amakʼ oṛakʼren gutikan khane uni hõm khatna ocoyea, ar amakʼ oṛakʼreye janam akan nonkan jãhãe guti se bidisiạko ṭhen khone kiriń akan uni guti hõ khatna ocoye hoyokʼa.

Genesis 17:12 Iomraidhean Croise

Genesis 17:23

Isorakʼ katha leka Abraham do enhilokʼge Ismaele khatna ocokedea. Ona sãote uni do kirińko se oṛakʼreko janam akan nonkan sanam gutiko, metakʼme uniyakʼ oṛakʼren sanam herel hoponkoe khatna ocoketʼkoa.

Genesis 21:4

Isorakʼ hukum lekage Abraham do irạl dinre acʼren hopon Isahake khatna ocokedea.

Exodus 12:44

Ṭakate kiriń akade golam do khatna tayom ona reakʼ jele jom daṛeakʼa.

Exodus 22:30

Aperen ḍaṅgra ar bheḍako hõ onkage lagaoapea. Ar eae din hạbicʼ onkoren hoponko do eṅgat ṭhenko tahena, ar ona tayom irạl mãhã hilokʼ do iń ṭhen emokʼ hoyokʼtapea.

Levitikus 12:3

Ar gidrạ do irạl din hilokʼreye khatna ocoyea.

Luk 1:59

Ado Jihudikoakʼ niạm leka irạl din hilokʼ onko do gidrạ khatnaye lạgitʼko hecʼena. Ar acʼ babawakʼ ńutum leka Sakariạ ńumeko menetʼ tahẽkana,

Luk 2:21

Ado irạl mãhã purạuen khan Jihudikoakʼ niạm lekate uniyakʼ ńutum do Jisuko dohoketʼtaea. Noa ńutum do eṅgatakʼ kukhire ạuriye hijukʼre serma goḍete emlen tahẽkana.

Aposkạmi 7:8

Ona tayom Isor do acʼakʼ bondobos reakʼ cinhạ lekate khatna reakʼ niạme emena. Inạ tayom Abrahamren hopon Isạhake janamena ar irạl din hilokʼreye khatna ocokedea. Ar Isahak do Jakobe khatna ocokedea ar Jakob do onko gelbar khũṭren hapṛamkoe khatna ocoketʼkoa.

Romiko lạgitʼ Pạul Apostolakʼ ciṭhi 2:28

Eken bahre secʼte okoeye Jihudikan uni do khạṭi Jihudi doe baṅkana. Ar hoṛmo bahre secʼte khatna akanicʼ hõ khạṭi khatnayicʼ doe baṅkana.

Philipiko lạgitʼ Pạul apostolakʼ ciṭhi 3:5

Irạl mãhã hilokʼre iń doń khatna ocolena; Israel bõsren Benjamin khũṭreń janam akana; iń do mitʼṭen khạṭi Ibri hoṛ kangeạń; ar Moseyakʼ ạn-ạriko manaore do mitʼṭen Phạrusi hoṛge;