Genesis 17:11 - সান্তালী বাইবেল

¹¹ Aperen mitʼke mitʼ herel hoponko do hereltetʼ reakʼ laha hartape getʼ giḍikakʼa. Ar alaṅ talare okaṭakʼ bondobos dohoyen, onage hoyokʼa ona reakʼ cinhạ do.

Genesis 17:11 Iomraidhean Croise

Genesis 9:12

Isor do arhõe menkeda, “Oka bondobos ape ar ape sãoren sanam jiwiyanko lạgitʼ iń dohoketʼ ona do piṛhike piṛhi hạbicʼ tahena. Ona bondobos reakʼ cinhạ lekate rimilre mitʼṭecʼ liṭạ akʼ iń dohoya. Ar noage dhạrti lạgitʼ ińakʼ cinhạ do hoyokʼa.

2 Samuel 3:14

Ona tayom Dạud do Sạulren hopon Isboset ṭhen hoṛkolkate noae baḍae ocokedea, “Ińren bạhu Mikạl imạńme. Iń do Philisṭikoakʼ mitʼsae khatnakʼakʼkote uniń baplaledea.”

Exodus 12:48

Ape talareko tahenkan eṭakʼ jạtren jãhãege Probhu Isor ńutumteakʼ noa bańcaokʼ porobe manao enḍekhan lahare uniyakʼ gharońjren sanam herel hoṛ do khatnakʼ hoyokʼtakoa. Ona tayom do Israelko lekako manao daṛeakʼa. Menkhan bin khatna akan hoṛ do noa porob reakʼ jel do bako jom daṛeakʼa.

Exodus 4:25

Unre Sipora do mitʼṭecʼ dharanakʼ dhirite acʼren gidrạwakʼ laha hartae getʼketʼtaea. Ar Moseyakʼ jaṅga ṭhene capatʼgotʼkada are menkeda, “Am do mãyãmte ńamicʼ ińren jãwãekanam.”

Aposkạmi 7:8

Ona tayom Isor do acʼakʼ bondobos reakʼ cinhạ lekate khatna reakʼ niạme emena. Inạ tayom Abrahamren hopon Isạhake janamena ar irạl din hilokʼreye khatna ocokedea. Ar Isahak do Jakobe khatna ocokedea ar Jakob do onko gelbar khũṭren hapṛamkoe khatna ocoketʼkoa.

Romiko lạgitʼ Pạul Apostolakʼ ciṭhi 4:11

Khatna ạurire biswạs iạtege Isor do dhorom menteye lekhakedea ar onage tahẽkana uniyakʼ sạbudokʼ reakʼ cinhạ do. Enḍekhan ńelokʼkana, khatna begorte okoe do eken biswạs hotete dhorom menteko ataṅ ocokʼkan, onko sanamkoren hõ Abraham doe baba kana.

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Josuạ 5:3

Niạ katha ańjomkate Josuạ do cokmuki dhiri reakʼ churikoe benao ocokeda ar Gibeat Haralothre (metakʼme “Khatna buru”) Israelkoe khatna ocoketʼkoa.