Genesis 17:10 - সান্তালী বাইবেল

¹⁰ Ińakʼ noa bondobos do, cinhạ lekate aperen sanam herel hoponko do khatnakʼ hoyokʼtakoa, ona do am ar am bõsren hoṛko manao idiya.

Genesis 17:10 Iomraidhean Croise

Genesis 17:11

Aperen mitʼke mitʼ herel hoponko do hereltetʼ reakʼ laha hartape getʼ giḍikakʼa. Ar alaṅ talare okaṭakʼ bondobos dohoyen, onage hoyokʼa ona reakʼ cinhạ do.

Genesis 17:23

Isorakʼ katha leka Abraham do enhilokʼge Ismaele khatna ocokedea. Ona sãote uni do kirińko se oṛakʼreko janam akan nonkan sanam gutiko, metakʼme uniyakʼ oṛakʼren sanam herel hoponkoe khatna ocoketʼkoa.

Genesis 17:27

Ona sãote oṛakʼren eṭakʼ sanam herel hoponko, metakʼme, okoe do uniyakʼ oṛakʼreko janamlen ar bedisiạ ṭhen khonko kiriń ocolen onko jotogeko khatna ocoyena.

Genesis 21:4

Isorakʼ hukum lekage Abraham do irạl dinre acʼren hopon Isahake khatna ocokedea.

Genesis 34:15

Menkhan mitʼṭecʼpe kạmi lekhan ale dole rạjigea. Ona do hoyokʼkana, aperen sanam herel hoṛ ale leka khatnakʼ hoyokʼtapea.

Genesis 34:22

Eken mitʼṭecʼ bon kạmi lekhan onko do abo sãoteko girobasokʼa ar mitʼ jạt leka tahenko rạjigea. Ona do hoyokʼ kana, onko leka aboren sanam herel hoṛ do khatnakʼ lagao abona.

Exodus 12:48

Ape talareko tahenkan eṭakʼ jạtren jãhãege Probhu Isor ńutumteakʼ noa bańcaokʼ porobe manao enḍekhan lahare uniyakʼ gharońjren sanam herel hoṛ do khatnakʼ hoyokʼtakoa. Ona tayom do Israelko lekako manao daṛeakʼa. Menkhan bin khatna akan hoṛ do noa porob reakʼ jel do bako jom daṛeakʼa.

Exodus 4:25

Unre Sipora do mitʼṭecʼ dharanakʼ dhirite acʼren gidrạwakʼ laha hartae getʼketʼtaea. Ar Moseyakʼ jaṅga ṭhene capatʼgotʼkada are menkeda, “Am do mãyãmte ńamicʼ ińren jãwãekanam.”

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

Johan 7:22

Mose do khatnakʼ reakʼ ạne emakatʼpea, ar jirạukʼ mãhãre hõ ape dope khatnayetʼkoa. Menkhan noa niạm do Mose khonakʼ do baṅkana, hapṛamko ṭhen khonge hecʼ ạguakana.

Aposkạmi 7:8

Ona tayom Isor do acʼakʼ bondobos reakʼ cinhạ lekate khatna reakʼ niạme emena. Inạ tayom Abrahamren hopon Isạhake janamena ar irạl din hilokʼreye khatna ocokedea. Ar Isahak do Jakobe khatna ocokedea ar Jakob do onko gelbar khũṭren hapṛamkoe khatna ocoketʼkoa.

Romiko lạgitʼ Pạul Apostolakʼ ciṭhi 2:28

Eken bahre secʼte okoeye Jihudikan uni do khạṭi Jihudi doe baṅkana. Ar hoṛmo bahre secʼte khatna akanicʼ hõ khạṭi khatnayicʼ doe baṅkana.

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Romiko lạgitʼ Pạul Apostolakʼ ciṭhi 3:28

ente bon baḍaegea, Isor do biswạs hotete manwa do dhorom menteye ataṅea, menkhan ạn-ạriko manaote do baṅa.

Romiko lạgitʼ Pạul Apostolakʼ ciṭhi 3:30

ente Isor doe mitʼ goṭengea. Uni do Jihudiko cetʼleka biswạs hotete dhorom menteye ataṅ akatʼko onkage boṅgan hoṛ jạtrenko hõe dhorom ocokoa.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Galathiko lạgitʼ Pạul Apostolakʼ ciṭhi 6:12

Okoe hoṛmo bahre secʼ bhage udugokʼko menjoṅkan onkoge khatnakʼ lạgitʼko jormoṭetʼpea. Mạsiyakʼ kurus iạte jemon aloko khed ocokʼ onate onko do nonkako kạmiyeda.

Ephesiko lạgitʼ Pạul Apostolakʼ ciṭhi 2:11

Janam secʼ lekate ape do boṅgan hoṛ jạtrenko kanape. Ar okoe titeko khatna ocoakan, metakʼme apnarte khatna akan hoṛ menteko ńumogokʼkan onko do bin khatna hoṛ menteko metapekana.

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Josuạ 5:2

Un jokhecʼ Probhu Isor do Josuại metadea, “Am do cokmuki dhiri reakʼ churi benaome ar onate Israelkom khatna ocokoa.”

Josuạ 5:4

Oka lạgitʼ uni noae kạmiketʼ ona do niạ lạṛhại lạgitʼ oḍokʼ calakʼ leka okoeko herel hoṛ do Misor disạm khonko oḍokʼ hecʼlen onko do Misor bạgiyakʼ tayom hahaṅkarregeko gocʼena.