Genesis 16:7 - সান্তালী বাইবেল

⁷ Probhu Isorren goḍet do horre hahaṅkar jaegare mitʼṭecʼ dakʼ bhumbukokʼ ṭhen Hagare ńamkedea. Ona dakʼ jharna do Sur ńutuman mitʼṭecʼ jaegate calakʼ horre tahẽkana.

Genesis 16:7 Iomraidhean Croise

Genesis 20:1

Tayomte Abraham do Mamre khon Negeb ńutumanakʼ dạkhin hahaṅkar secʼe calao idiyena. Onḍe uni do Kades nagraha ar Sur tala reakʼ mitʼṭecʼ jaegare girobasokʼe ehopʼena. Onḍe khon uni do thoṛa din lạgitʼ Gera nagrahare senkateye tahẽyena.

Genesis 21:17

Gidrạwakʼ rakʼ do menkhan Isorakʼ luturre seṭerena. Unre Isorren goḍet do serma khon Hagar hohowadeteye metadea, “E Hagar, amakʼ do cetʼ hoyakana? Alom botorokʼa, ente gidrạ okare menae onḍe khonge uniyakʼ rakʼ do Isorakʼ luturre seṭer akana.

Genesis 21:18

Am do beretʼkate gidrạ heweme, ente uni hotete iń do mitʼṭecʼ maraṅ jạtiń benao rakapʼkoa.”

Genesis 21:19

Ona tayom Isor do Hagarakʼ mẽtʼe saṛ ocoketʼtaea, onate uni do dakʼte perecʼ mitʼṭecʼ ḍạḍiye ńel ńamkeda. Ar ona ḍạḍi ṭhen senkate uni do acʼakʼ kume perecʼketʼte gidrại ńũ ocokedea.

Genesis 22:11

Unre Probhu Isorren goḍet do serma khon uniye hohoadea, “E Abraham, E Abraham!” Abrahame roṛ ruạṛkeda, “Nõkʼõe minạńgea.”

Genesis 22:15

Probhu Isorren goḍet do serma khon Abraham arhõ hohoadeteye metadea, “Am do amren gidrạ, uni sadher hopon dãṛẽye lạgitʼ bam pạclena. Ona iạte iń Probhu Isor do ińakʼ ńutumte kiriạkateń meneda,

Genesis 24:7

Sermaren Probhu Isor do iń ar ińren babawakʼ oṛakʼ duạr ar ińakʼ janam ṭhạ̃i khone oḍok ạgu akadińạ. Uni do iń sãote kathae roṛakada are kiriạ akawạdińa, noa disạm do ińren bõskoe emakoa. Uni do am lahate acʼren goḍet onḍeye kolea jemon hoponińren bạhu hoyokʼ lạgitʼ onḍe khon mitʼṭen kuṛiyem ạguye.

Genesis 25:18

Hạwila khon Sur hạbicʼ okaṭakʼ jaega tahẽkan onḍege uniren bõsko girobasokʼ kan tahẽkana. Ar ona ṭhạ̃i do Misor aṛe, Ạsurte calakʼ horre tahẽkana. Onkoren boeha Isahak bõsrenkoakʼ disạm sorrege onko doko tahẽkana.

Genesis 31:11

Kukmũ talarege Isorren goḍet do ińe hohowạdińạ, ‘E Jakob.’ Unre ińiń menkeda, ‘Hẽ minạńgea.’

Exodus 15:22

Tayomte Mose do arakʼ jalapuri khon Israelkoe idiketʼkoa. Onko do pạhilre Sur ńutuman mitʼṭen hahaṅkar jaegareko seṭerena. Ona hahaṅkar jaegare onko do pe din hạbicʼ dãṛã dãṛãte okarehõ dakʼge bako ńamleda.

Exodus 3:2

Onḍe Probhu Isorren mitʼṭen goḍet do jạnum jhạuạre jolokʼkan seṅgelre uni ṭhene ńel ocoyena. Mose doe ńelkeda, ona jạnum jhạuạre seṅgel do jolokʼkangea menkhan baṅ lokʼkana.

Kạhtukko 15:3

Probhu Isorakʼ mẽtʼãhã do sanamko secʼge menakʼa; ona do boge ar bạṛicʼ hoṛkoe tunkhiyetʼkoa.

1 Samuel 15:7

Sạul do unre Hewila ṭoṭha khon Misor purub secʼ Sur hahaṅkar ṭoṭha hạbicʼ sanam Amalekikoe bhagaoketʼkoa.