Genesis 16:6 - সান্তালী বাইবেল

⁶ Abram do Sạriye roṛ ruạṛadea, “Ńelme, amren kạ̃ṛmĩ do amakʼ tirege menaea. Am oka bhagem hudisetʼ onage onkaeme.” Unre Sạri do Hagar cetanre santaoe ehopʼkeda onate Hagar do uni ṭhen khon ńir pharakokʼ hoyentaea.

Genesis 16:6 Iomraidhean Croise

Genesis 16:9

Unre Probhu Isorren goḍete menkeda, “Amren kisạ̃ṛ era ṭhen ruạṛ calakʼme ar uni tabere tahenme.”

Genesis 24:10

Niạ tayom uni guti do acʼren kisạ̃ṛren ũṭko khon gel goṭen ũṭe hataoketʼkoa. Ar kisạ̃ṛakʼ joto lekan jinis khon thoṛa thoṛa hataokate Aram-Naharaim disạmteye mohnḍayena.

Jobakʼ 2:6

Unre Probhu Isor do Soetane metadea, “Bhagegea; uni do amakʼ tireń jimạkedea, menkhan uni do alom gojea.”

Exodus 2:15

Pharao noa kathae ańjomketʼ khan Mose goje lạgitʼe kurumuṭukeda. Menkhan Mose do Pharao ṭhen khone dạṛketʼte Midiạn disạmteye calaoena. Ar onḍe senkate uni do mitʼṭecʼ kuń aṛereye duṛupʼena.

Kạhtukko 14:29

Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.

Kạhtukko 15:1

Mạ̃hir roṛ ruạṛ do raṅgaoe cabaea, menkhan saegatʼ katha do raṅgaoe janam ocoya.

Kạhtukko 27:8

Tukạ bạgikate uḍạu baṛaekan cẽṛẽ cetʼleka, onkage oṛakʼ bạgikate dãṛã baṛaekan hoṛ hõ.

Kạhtukko 29:19

Eken katha motote guti do bae ḍanṭaokʼa; ente bujhạulere hõ uni do ona bae manaoa.

Sosolhayic̕ 10:4

Disạm cakʼlaoyicʼ am cetanreye edrelenre amakʼ ṭhạ̃i do alom bạgiyakʼa; ente sobori do sanam bạṛicʼakʼkoe thir ocoya.

Jirimiạ 38:5

Sedekiạ raje roṛ ruạṛkeda, “Uni ma apeakʼ jimạrege coṅ menae; raj do ape upạrte ohoe calao daṛelena.”

Josuạ 9:25

Ale do ńitokʼ amakʼ tirege menakʼlea; am okaṭakʼ bhagem metakʼkan ona baṛe ale cetanre kạmime.”

1 Patras 3:7

Onkage ape hõ E jãwãeko, ape do bujsujte aperen bạhuko tulucʼ tahenpe. Onko do aperen nijor soṅgeten kanako, ar onko hõ ape tulucʼ Isorakʼ daya reakʼ dan lekate jionko ńama. Onate onko manotkope jemon apeakʼ koejoṅ alo akoṭokʼtape.