Genesis 16:5 - সান্তালী বাইবেল

⁵ Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Genesis 16:5 Iomraidhean Croise

Genesis 16:4

Abram do Hagar ṭhene boloyen khan uni doe bhạrti hoṛmoyena. Ar Hagar do tinreye bujhạukeda acʼ doe bhạrti hoṛmo akana unre uni do acʼren kisạ̃ṛren era do nihạ̃teye ehopʼena.

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

2 Bõsbudạ 24:22

Sakariạren apattetʼ Jehoyada do Joas ṭhen oka pạtiạrtetʼe udukʼletʼ Joas do ona bae disạletʼte uniren hopone gocʼ ocokedea. Sakariạ do gujukʼ jokhecʼe menleda, “E Probhu niạ baṛe hala ruạṛme.”

Sereńko 35:23

E ińren Isor, E ińren Probhu, ma beretʼme, ar iń sejokʼme, ar iń secʼ katha roṛme.

Sereńko 43:1

E Isor, dhorom reakʼ baṛe bicạrtińme, ar bedhorom jạtrenko upạrte iń secʼ katha roṛme; ar phạsiara ar bạṛicʼ hoṛkoakʼ ti khon hõ rukhiyạyińme.

Sereńko 7:8

Probhu Isorge onko doe bicạrkoma. E Probhu Isor, ińakʼ dhorom kạmi ar sạriyakʼtetʼ lekage baṛe bicạrińme.

Exodus 5:21

Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”

Jirimiạ 51:35

Sionren hoṛko meneda, “Aleakʼ hoṛmo cetanre oka santao hoyakana ona do Babel cetanre hoyokʼma. Babelre okoeko girobasokʼ kan onko do aboakʼ mãyãm reakʼ dạyiko tahenma.”

Bikʼcạrko 11:27

Niạko babotre iń do am upạrte cetʼge bạń behok akada, bickom iń upạrte lạṛhại lạgitʼem oḍok hecʼakante amgem behok akada. Bikʼcạricʼ Probhu Isorge ńitokʼ Israelko ar Amonrenko talareye bicạrma.”

1 Samuel 24:16

Dạud do kathae mucạtʼketʼ khan Sạule menkeda, “E jãwãe, noa do cetʼ katha ben meneda?” Ar noa menkate Sạul do ãṭ aṛaṅte rarakʼe ehopʼena.