Genesis 16:3 - সান্তালী বাইবেল

³ Onate Kanan disạmre Abram do gel bochore khemaoketʼ tayom Sạri do acʼren Misiriạ kạ̃ṛmĩ Hagar sãote Abrame baplakadea.

Genesis 16:3 Iomraidhean Croise

Genesis 16:16

Abram irạl gel turui bochor umer tahẽkanre Ismael doe janamena.

Genesis 16:4

Abram do Hagar ṭhene boloyen khan uni doe bhạrti hoṛmoyena. Ar Hagar do tinreye bujhạukeda acʼ doe bhạrti hoṛmo akana unre uni do acʼren kisạ̃ṛren era do nihạ̃teye ehopʼena.

Genesis 16:5

Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Genesis 21:21

Uni do Paran ńutumanakʼ mitʼṭecʼ hahaṅkar ṭoṭhare girobasokʼe ehopʼena. Ar uniren eṅgattetʼ do Misor disạmren mitʼṭen kuṛi sãoteye baplakadea.

Genesis 25:6

Uni do acʼren chuṭki erakoren hoponko hõ acʼ jiwetʼe tahenrege ḍhere danatʼkoa. Noko do Isahak sãote bae tahẽ ocowatʼkoa menkhan purub reakʼ mitʼṭecʼ disạmteye kolkatʼkoa.

Genesis 28:9

Onate Esao do barea bạhukin tahẽkanre hõ Abrahamren hopon Ismaelakʼ oṛakʼte senkate uniren hoponera Mahalate baplakedea. Mahalat do Nebaotren miserae tahẽkana.

Genesis 30:4

Noa menkate Rahel do Jakob sãote acʼren kạ̃ṛmĩ Bilhae baplakadea, ar Jakob hõ uni ṭhene boloyena.

Genesis 30:9

Ar Lea tinreye ńelkeda acʼren cele gidrạge bako hoyokʼkana unre acʼren kạ̃ṛmĩ Silpạ do Jakob tulucʼe baplakadea.

Genesis 32:22

Ona ńindạge Jakob do beretʼkate taṛamate paromokʼ nonkan mitʼṭecʼ jaegate acʼren banar bạhu, banar kạ̃ṛmĩ ar gelmitʼ hoponko do gaḍae paromketʼkoa.

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

2 Samuel 5:13

Dạud do Hebron bạgikate Jerusalemte senkate arhõ chuṭki erakoe dohoana ar aema gidrạko janamena.

1 Rapajko 11:3

Uniren do eae sae erako tahẽkantaea, ar onko do raj gharońjren hoponerageko tahẽkana; ona chaḍa uniren do pe sae chuṭki era hõko tahẽkantaea. Ar uniren erako do bạṛicʼ horteko idikedea.

Galathiko lạgitʼ Pạul Apostolakʼ ciṭhi 4:25

Hagar do Arob disạm reakʼ sinại buruye bujhạu ocoyeda. Hagar do nahakʼ reakʼ Jerusalem tulucʼ jurikʼkana, ente Jerusalem do acʼren gidrạko sãote kạ̃ṛmĩye khaṭaokʼ kana.