Genesis 16:2 - সান্তালী বাইবেল

² Mitʼ din Sạri do Abrame metadea, “Ńelme, Probhu Isor doe bạńjhi ocoakadińạ. Onate am do ińren kạ̃ṛmĩ ṭhen bolokʼme. Hoedaṛeakʼa uni hotete iń do gidrạń ńam daṛeke.” Abram do Sạri reakʼ kathareye rạjiyena.

Genesis 16:2 Iomraidhean Croise

Genesis 11:30

Sạri do bạńjhigeye tahẽkana; uniren do gidrạge bako hoyakan tahẽkana.

Genesis 17:16

Iń do uniń bhoraea ar nonkan mitʼṭen hoponiń emama. Uni do arhõń bhoraea jemon ạḍi utạr jạtkoren ar onkoren rajkoren eṅgate hoyokʼ.”

Genesis 18:10

Unre onko modren mitʼ hoṛe menkeda, “Hijukʼkan bochor niạ okte iń do khạṭige am ṭhen arhoń hijukʼa. Unre amren bạhu Sarawakʼ hoborre mitʼṭen koṛa gidrại tahentaea.”

Genesis 19:31

Mitʼ din maraṅicʼ hoponera do huḍińicʼ kuṛiye metadea, “Baba mae haṛamokʼ kan. Ar noa ṭhạ̃ire nonkan herel hoṛ ma bạnukʼko okoe do hecʼkate dhạrti reakʼ niạm lekate alaṅe baplake laṅ.

Genesis 20:18

Abrahamren bạhu Sara iạte Probhu Isor do Abimelekakʼ oṛakʼren sanam maejiukoakʼ kukhiye bondletʼtako tahẽkana.

Genesis 25:21

Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

Genesis 3:12

Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”

Genesis 3:17

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

Genesis 30:22

Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea.

Genesis 30:6

Unre Rahele menkeda, “Isor do hok reakʼe bicạr akada ar ińakʼ rakʼe ańjomketʼte mitʼṭen koṛa gidrại emadińa.” Ona iạte gidrạwakʼ ńutum do Dane dohoketʼtaea (metakʼme “Hok reakʼ bicạr”).

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Exodus 21:4

Ar uni guti acʼren kisạ̃ṛgeye bạhuae khan ar uniren gidrạko janamlentae khan enḍekhan uniren bạhu ar gidrạko do kisạ̃ṛrengeko hoyokʼa; ar uni do eskargeye oḍok calakʼa.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.