Genesis 16:11 - সান্তালী বাইবেল

¹¹ Uni do arhõe metadea, “Ńelme, am dom bhạrti hoṛmo akana. Amren do mitʼṭen koṛa gidrại hoyokʼtama. Uni gidrạwakʼ ńutum do Ismaelem dohoytaea (metakʼme, Isore ańjoma), ente amakʼ duk reakʼ rakʼ do Probhu Isore ańjomakada.

Genesis 16:11 Iomraidhean Croise

Genesis 17:19

Unre Isore menkeda, “Amren bạhu Sara do sạrige gidrại hoyokʼtaea, ar uniyakʼ ńutum do Isahakem dohoytaea (metakʼme ‘landa’). Uni ar uni bõsren hoṛko lạgitʼ iń do ińakʼ jaejug hạbicʼ bondobosiń dohoya. Tobe Ismael reaṅ okam menketʼ iń doń ańjomkeda.

Genesis 21:17

Gidrạwakʼ rakʼ do menkhan Isorakʼ luturre seṭerena. Unre Isorren goḍet do serma khon Hagar hohowadeteye metadea, “E Hagar, amakʼ do cetʼ hoyakana? Alom botorokʼa, ente gidrạ okare menae onḍe khonge uniyakʼ rakʼ do Isorakʼ luturre seṭer akana.

Genesis 37:25

Ona tayom Josephren dadattetʼtako do jom-ńũiy lạgitʼko duṛupʼen khan Ismaelren bạnij-beparko Gilead khon hijukʼko ńelketʼkoa. Onko do ũṭre decʼkate jut so mosola, ran sunum ar gondhorosante Misor disạmteko calakʼkan tahẽkana.

Jobakʼ 38:41

Bhonḍa kạhuren hoponko tinre Isor ṭhenko rakʼeda ar jomakʼ lạgitʼ hante nateko ạcur baṛaekana, unre okoe onko do jomakʼe kulạu ako kana?

Sereńko 22:24

Nacaricʼ reakʼ nacartetʼ do bae nihạ̃t giḍiya; Uni secʼ acʼakʼ mẽtʼãhã do bae betʼ dohokakʼa, bickom uniyakʼ rakʼjoṅakʼe ańjomketʼtaea.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Exodus 3:9

Israelkoakʼ rakʼjoṅ do ńitokʼ iń ṭhen seṭer akana. Misorrenko ṭhen cetʼlekako santao ocokʼkan ona doń ńelakada.

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Luk 1:31

Ńelme, am dom bhạrti hoṛmokʼa ar mitʼṭen koṛa gidrại hoyokʼtama. Uniyakʼ ńutum do Jisum dohoytaea.

Luk 1:63

Sakariạ do mitʼṭecʼ olokʼ paṭa koekateye olkeda, “Nuiyakʼ ńutum do Johan dohoy hoyokʼa.” Ar ona iạte sanamkoko hahaṛayena,

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.