Genesis 15:18 - সান্তালী বাইবেল

¹⁸ Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Genesis 15:18 Iomraidhean Croise

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 13:15

Ar okako jaegam ńel ona do am ar amren bõsko jaejug hạbicʼ iń emakoa.

Genesis 2:14

Tesar gaḍa reakʼ ńutum do Hidekel. Noa do Ạsur disạm purub secʼte ạtu oḍok akana. Ar ponakʼ gaḍa reakʼ ńutum do Phurạt tahẽkana.

Genesis 24:7

Sermaren Probhu Isor do iń ar ińren babawakʼ oṛakʼ duạr ar ińakʼ janam ṭhạ̃i khone oḍok ạgu akadińạ. Uni do iń sãote kathae roṛakada are kiriạ akawạdińa, noa disạm do ińren bõskoe emakoa. Uni do am lahate acʼren goḍet onḍeye kolea jemon hoponińren bạhu hoyokʼ lạgitʼ onḍe khon mitʼṭen kuṛiyem ạguye.

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Genesis 28:4

Okaṭakʼ ạsirbad Abrahame emade tahẽkan ona ạsirbadge uni do am ar am bõsren hoṛkoe emakoa. Ar okaṭakʼ disạm Abrahame emade tahẽkan, ar onḍe ńitokʼ porjạtrenko leka menakʼme, ona disạm hõ amakʼ ạidạrire hijukʼa.”

Genesis 35:12

Okaṭakʼ disạm do Abraham ar Ishạhakiń ematʼkin tahẽkan ona disạmge iń do amiń emama. Ar am tayom do amren bõskoń emakoa.”

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

2 Samuel 8:3

Tayomte Sobaren raj Rehobren hopon Hadadeser do tinre phurạt gaḍa hạbicʼ arhõ ektiạri ńam ruạṛ lạgitʼe senena unre Dạud do uni sãoteye lạṛhạiyena.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

1 Rapajko 5:1

Turren raj Hiram do tinreye ańjomkeda, Solomon do acʼ apatakʼ jaegare raj hudạreye ojokʼ bahal ocoakana unre uni do Solomon ṭhen acʼren hoṛkoe kolkatʼkoa, ente Dạud tulucʼ uni do gate peṛa leka jopoṛao tahẽkantaea.

1 Bõsbudạ 16:16

Ona bondobos do Abraham lạgitʼe bandhaoleda ar Isạhak ṭhen hõe gokʼletʼa.

1 Bõsbudạ 5:9

Gileadre onkoren ạsul janwarkoko saṅge idiyen khan purub secʼ reakʼ hahaṅkar ṭoṭha oka khon ehopʼ akan ona hạbicʼko dokholkeda. Noa hahaṅkar jaega do phurạt gaḍa reakʼ pạchim secʼre tahẽkana.

2 Bõsbudạ 7:8

Ona jokhecʼ Solomon ar uni sãoten sanam Israelko do, metakʼme Homat ṭoṭha khon Misor reakʼ rohoṛ gaḍa hạbicʼ sanam ṭoṭha khonko hecʼakan maraṅ utạr dolko do eae din hạbicʼ pinḍ samaṅokʼakʼ porobko porobena. Ar irạlakʼ dinre onko do mitʼṭecʼ sabhako hoyocokeda ar eae din hạbicʼ arhõko porobena.

2 Bõsbudạ 8:7

Ar okoe do Israelko baṅkan, metakʼme Amoriko, Hittiko, Peresiko, Jebusikoren bõsko do unhõ jiwetʼko tahẽkana,

2 Bõsbudạ 9:26

Uni do Phurạt gaḍa khon Philisṭikoakʼ disạm ar Misor disạm reakʼ simạ hạbicʼren rapajko cetanreye rajokʼkan tahẽkana.

Esra 4:20

Daṛean rapajko do Jerusalem khon phurạt gaḍa pạchim aṛe reakʼ goṭa ṭoṭhako rajokʼ kan tahẽkana ar onḍenko hoṛko hõ khajna, bheja ar mạsulko emokʼkan tahẽkana.

Nehemiạ 9:8

Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Sereńko 105:11

Uniye metade tahẽkana, “Iń do Kanan disạmiń emama. Ar onage amakʼ bakhra reakʼ sompotti do hoyokʼa.”

Exodus 13:11

Ar Probhu Isor do ape ar aperen hapṛamko ṭhen kiriạkate okaṭakʼe gokʼakatʼ ona gokʼakʼ lekate tinre Kanan disạmte idikate ạidạri lekate onae emapea,

Exodus 2:24

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda.

Exodus 23:23

Amorirenko, Hittirenko, Pherisirenko, Kananrenko, Hibbirenko ar Jebusirenko oka disạmreko girobasokʼkan ona disạmte ińren goḍet doe ạyur idipea. Iń do onko sanamkoń marao cabakoa.

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Exodus 32:13

Amren guti Abraham, Isạhak ar Israelakʼ katha hudisme. Amakʼ ńutumte kiriạkatem metatʼko tahẽkana, onkoren bõs do sermaren ipilko lekam saṅgekoa ar amakʼ gokʼakʼ disạm do jaejug reakʼ ạidạri lekate onkoren hoponkom danakoa.”

Exodus 34:11

Teheń okań hukumape onape manaoa. Ar iń do Amorirenko, Kananrenko, Hittirenko, Pherisirenko, Hiwirenko, Jebusirenko ape samaṅ khoniń laga ńirkoa.

Exodus 34:24

Disạm talaren sanam jạtrenko do ape samaṅ khoniń laga ńirkoa ar apeakʼ disạm reakʼ simạnakoń baṛhao ocoytapea. Bochorre pe dhaokate tinre aperen Probhu Isor samaṅrepe hạjirokʼa unre okoehõ apeakʼ jaega jumi cetanre laloc alope dohoya.

Exodus 6:4

Iń do onko lạgitʼ ińakʼ bondobosiń doholeda. Ona bondobosreń menleda, onko do bidisiạ lekate okareko tahẽkan ona disạmgeń emakoa.

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”

Jesaea 27:12

E Israelko, enhilokʼ ạtu calakʼkan phurạt gaḍa khon Misor reakʼ rohoṛ gaḍa hạbicʼ Probhu Isor do anaj lekae en pea ar ape mimitʼko dope samṭao ocokʼa.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Jirimiạ 32:22

Oka disạmre toa, dumur rasa ar jãhãnakʼ reakʼ okulạnge bạnukʼ ona disạm emako reakʼ katha onkoren hapṛamko ṭhenem gokʼleda ar onam ematʼko tahẽkana.

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Levitikus 26:42

enḍekhan iń do Isahak, Jakob ar Abraham sãote ińakʼ bondobos reakʼ katha ar onkoakʼ disạm reakʼ kathań disạya.

Levitikus 26:45

Onko lạgitʼge onkoren hapṛamko sãote ińakʼ bondobos reakʼ kathań disạya. Ente onkoren hapṛamkoren Isoriń hoyokʼ iạte eṭakʼ jạtrenko talate Misor disạm khoniń oḍok ạguakatʼkoa. Ar iń kangeạń Probhu Isor do.”

Numeri 34:5

Ona tayom onḍe khon ạcurkate Misor ńutuman okaṭakʼ rohoṛ gaḍa menakʼ ona secʼte jalapurire senkate mucạdokʼa.

Aposkạmi 7:5

Ar acʼakʼ ạidạri lạgitʼ Isor do Abraham cetʼge bae emadea, jaṅga lebedokʼ leka jaega hõ baṅ. Menkhan Isor doe gokʼade tahẽkana, uni ar uniren bõsko do ạidạrilekate ona disạme emakoa. Menkhan unhạbicʼ Abrahamren do cele gidrạge bako tahẽkantaea.

Dosar Biboron 11:24

Dạkhin reakʼ hahaṅkar khon Lebanon hạbicʼ ar Phurạt gaḍa khon jalapuri hạbicʼ jãhãrege jaṅga talkape dohoy onage apeakʼ hoyokʼa.

Dosar Biboron 12:20

“Aperen Probhu Isor do acʼakʼ gokʼakʼ lekate apeakʼ disạm reakʼ simạnakoe phaelao ocoytapere men, ‘jel jojom sanayetʼlea,’ unre apeakʼ kusi leka jelpe jom daṛeakʼa.

Dosar Biboron 19:8

“Aperen Probhu Isor dulạṛe ar jao okte uniyakʼ horte taṛam lạgitʼ teheń okako hukumiń emapekan ona joton salakʼpe pańjae enḍekhan aperen hapṛamko ṭhen kiriạkateye gokʼletʼ iạte Probhu Isor do apeakʼ simạnakoe baṛhao ocoytapea ar goṭa disạmgeye emapea. Unre ape lạgitʼ pea nagraha do Asrayokʼ nagraha lekatepe begar dohokakʼa.

Dosar Biboron 34:4

Ona tayom Probhu Isor do uniye metadea, “Noage ona disạm do one Abraham, Isạhak ar Jakob ṭhen kiriạkateń menletʼ, ‘Noa disạm do aperen bõskoń emakoa.’ Ar noa disạm do amakʼ mẽtʼteń ńel ocoketʼmea, menkhan gaḍa paromkate onḍe calakʼ do baṅ hoyokʼtama.”

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Josuạ 15:4

Onḍe khon Asmon secʼ sen idiyente Misor ńutuman okaṭakʼ rohoṛ gaḍa menakʼ ona sãote mitʼente jalapurire senkate mucạtʼena. Ar niạge hoyena apeakʼ dạkhin reakʼ simạna do.

Johan sodor 9:14

“Okoe ponea goḍet maraṅ gaḍa Phurạt ṭhenko tolakan onko raṛakakome.”