Genesis 14:7 - সান্তালী বাইবেল

⁷ Ona tayom noko rajko doko ạcurente En-Mispạt, metakʼme, Kadesteko boloyena. Onko do Amalekikoakʼ goṭa disạmko hatkeda ar Hasason- Tamar nagrahare okoe Amoriko tahẽkan onkoko bhagaoketʼkoa.

Genesis 14:7 Iomraidhean Croise

Genesis 16:14

Ona iạte Kades ar Bered talare okaṭakʼ kuń menakʼ ona reakʼ ńutum do Ber-lahai-roi kuń hoyena (metakʼme, “Okoeye jiwetʼge ar ińe ńelakadiń uniyakʼ kuń”).

Genesis 20:1

Tayomte Abraham do Mamre khon Negeb ńutumanakʼ dạkhin hahaṅkar secʼe calao idiyena. Onḍe uni do Kades nagraha ar Sur tala reakʼ mitʼṭecʼ jaegare girobasokʼe ehopʼena. Onḍe khon uni do thoṛa din lạgitʼ Gera nagrahare senkateye tahẽyena.

Genesis 36:12

Esauren hopon Eliphasren do Timna ńutuman chuṭki erae tahẽkana. Ar Amalek do uniyakʼ kukhireye janamlena. Noko sanamkoge Esauren bạhu Adaren goṛom gidrạ kanako.

Genesis 36:16

Korah, Gatam ar Amalek. Edomre noko do Adaren hopon Eliphasren bõsko tahẽkana.

2 Bõsbudạ 20:2

Unre adom hoṛko do hecʼkate Jehosaphatko metadea, “Doreão hanasa Aram disạm khon maraṅ mitʼ lạṛhại phạdko do am upạrteko hijukʼ kana. Onko do Hasason-tamar, metakʼme Engedireko seṭerakana.”

Jeheskel 47:10

Jạilạko do gaḍa aṛereko teṅgona; En gedi khon En Eglayim hạbicʼ do jhạli tase reakʼ jaega hoyokʼa. Ar onḍehõ jalapuri leka aema lekan hakoko ńamokʼa.

Jeheskel 48:28

Gad reakʼ dạkhin simạna do hoyena disạm reakʼ dạkhin simạna hạbicʼ. Ona do Tamar khon Kades Meribath dakʼ hạbicʼ senkate Misor reakʼ rohoṛ gaḍa samaṅ secʼte maraṅ jalapuri hạbicʼ.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Numeri 14:43

Onḍe ape do Amalekiko ar Kananrenko samaṅrepe paṛaokʼa. Ar Probhu Isor khonpe sahaṛ akante uni do ape tulucʼ bae tahena. Onate ape do lạṛhạirepe gujukʼa.”

Numeri 14:45

Onko ńelte buru ṭoṭharen Amalekiko ar Kananrenko do pheḍ hecʼkate onkoko jhuṭiạuketʼkoa ar Horma nagraha hạbicʼko laga idiketʼkoa.

Numeri 20:1

Bochor reakʼ pạhilakʼ candore Israelko do Sin hahaṅkar ṭoṭha reakʼ Kades ṭhen senkateko ḍerayena. Ar unre Mạriạm do onḍeye gocʼena arko topakadea.

Numeri 24:20

Amalekiko ńelte Biliam do Isorakʼ noa katha roroṛe ehopʼena: “Eṭakʼ sanam jạtrenko modre Amalekiko do maraṅko tahẽkana, menkhan onkoakʼ sesokʼ do maraokʼge hoyokʼa.”

Dosar Biboron 1:19

“Inạ tayom aboren Probhu Isorakʼ hukumte abo do Horeb buru bạgikate Amorikoakʼ buru ṭoṭha secʼ bon mohnḍa idiyena. Tinạkʼ maraṅ ar tinạkʼ botoranakʼ hahaṅkar talatebon calaolen ona dope ńelakada. Nonkate abo do Kadesre senkate bon seṭerena.

Dosar Biboron 1:46

Nonkate ape do Kadesre ḍher dinpe tahẽyena ar onḍege ḍher dinpe khemaokeda.

Josuạ 15:62

Nibsan, Ermelah ar En-Gedi. Niạ turui goṭecʼ ato ar nagraha ar ona aḍepase reakʼ atokoko ńamleda.