Genesis 14:13 - সান্তালী বাইবেল

¹³ Mitʼṭen hoṛ doe dạṛ paskao hecʼente Ibri hoṛ Abram ona khobore lạiyadea. Abram do ona jokhecʼ Amori hoṛ Mamreyakʼ Elon bir ṭhere girobasokʼ kan tahẽkana. Mamre do Eskol ar Anerren boehae tahẽkana. Unkin do Abram sãote gatekʼ reakʼkin bondobos akatʼ tahẽkana.

Genesis 14:13 Iomraidhean Croise

Genesis 10:16

Jebusiko, Amoriko, Girgạsiko,

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

Genesis 14:24

Ińren hoṛko okako jomakatʼ ona chaḍa ar cetʼge bạń hataoa; menkhan Aner, Esko ar Mamre, okoe do iń soṅgeteko calaolen onkoakʼ bhag do hatao ocoakome.

Genesis 18:1

Abraham do tinre Mamre reakʼ sonot dareko ṭhene girobasokʼkan tahẽkana unre mitʼ din Probhu Isor do uni ṭhene ńel ocoyena. Abraham do enhilokʼ tikin jokhecʼ setoṅre acʼakʼ tạmbu reakʼ duạr ṭhene duṛupʼ akan tahẽkana.

Genesis 21:24

Abrahame menkeda, “Hẽ, iń doń kiriạkʼ kana.”

Genesis 21:27

Ona tayom Abraham do bhiḍi ar daṅgrakoe ạguketʼkote Abimeleke emadea ar unkin do mitʼṭecʼ kin bandhaokeda.

Genesis 21:32

Ber-sebare noa bondoboskin bandhaoketʼ tayom Abimelek ar acʼren maraṅ senapoti Pikol do ạkinakʼ disạm, metakʼme Philistikoakʼ disạmtekin ruạṛ calaoena.

Genesis 40:15

Ente, Ibrikoakʼ disạm khon jorkateń sapʼ ạgu ocoakana, ar noa disạmre hecʼkate hõ jãhãn nonkanakʼ do bạń kạmi akada one onate noa khạndṛuṅreko aṭkao dohokạń.”

Genesis 41:12

Unre rurukhiyạ dol sordarren mitʼṭen Ibri guti koṛa hõ onḍeye tahẽkana. Ar bana hoṛge ạlińakʼ kukmũ reakʼ katha uni liń lạiyadea. Unre uni do bana hoṛge kukmũ reakʼ bhede lạiyatʼlińạ.

Genesis 43:32

Emokʼicʼ do Joseph, ar uniren boehako mitʼ ṭhene jom ocoketʼkoa ar Josephakʼ oṛakʼre okoe Misrikoko jom ńũiyetʼ tahẽkan onko do eṭakʼ jaegareye jom ocoketʼkoa. Ente misriko do Ibriko sãote bako jom ńũiyetʼ tahẽkana, ente onko ṭhen do hirkhạwakʼge tahẽkana.

Jobakʼ 1:15

Unre Sibayiko do luluṭ hecʼkate onkoko idiketʼkoa. Ar amren gutiko doko gocʼketʼkoa. Am khoboram lạgitʼ eken iń eskargeń paskao hecʼ akana.”

Exodus 2:11

Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana.

Exodus 2:6

Uni do onae oṭakʼketʼ khan ạḍiye hahaṛayena ar mitʼṭen koṛa gidrạ onare rarakʼkane ńelkedea. Onate raj hoponera do uni gidrạ cetanre ạḍi mãyã hecʼadea. Uniye menkeda, “Nui do Ibrikoren gidrạ kanae.”

Exodus 3:18

“Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

Jirimiạ 34:9

Ona niạm do hoyokʼ kana, joto hoṛge akoren Ibri guti kạ̃ṛmĩko aṛakʼkoa; ar Jihudi boeha do okoehõ guti mente bako doho daṛeakoa.

Jona 1:9

Jonae roṛ ruạṛkeda, “Iń do mitʼṭen Ibri hoṛ kạnạń. Iń do sermaren Probhu Isoriń sewawae kana. Unige jalapuri ar ot doe benaoakada.”

Numeri 13:23

Ar mukhiyạko do Eskol buru lodamkote senkate darkha jo reakʼ thokako getʼkeda. Onko modren bar hoṛ do ḍaṅre gutukate onakin gokʼ ạgukeda. Ona chaḍa thoṛa dạlim ar loa jo hõko ạgu torakeda.

Numeri 21:21

Israel hoponko do Amorikoren raj Sihon ṭhen hoṛ kolkateko nehõradea,

2 Korinthiko 11:22

Okoeko sarhaokʼkan onko do cetʼ Ibri kanako? Iń hõ kangeạń. Onko do cetʼ Israel kanako? Iń hõ kạnạń. Onko do cetʼ Abrahamren bõs kanako? Iń hõ kạnạń.

Philipiko lạgitʼ Pạul apostolakʼ ciṭhi 2:5

Jisu Mạsiyakʼ oka monsubạ tahẽkan apeakʼ ontorre hõ ona jemon tahen.

1 Samuel 29:3

Onko ńelte Philisṭikoren subedar doko kuliyana, “Noko Israelko do nonḍe cedakʼ menakʼkoa?” Akise menkeda, “Nui do Israelren raj Sạulren golam Dạud kanae. Nui do ḍher din ar bochor khon iń ṭhen menaea. Uni do Sạule bhiṅgṛạu akade tayom khon teheń hạbicʼ unire jãhãn dosge bạń ńam akada.”

1 Samuel 4:12

En hilokʼ Benjamin gusṭiren mitʼṭen hoṛ do lạṛhại phạdko tala khone ńir paskaoente Siloteye calaoena. Unre uniyakʼ kicricʼko do oṛecʼge ar bohokʼ hõ dhuṛite losoponḍo tahẽkantaea.