Genesis 13:15 - সান্তালী বাইবেল

¹⁵ Ar okako jaegam ńel ona do am ar amren bõsko jaejug hạbicʼ iń emakoa.

Genesis 13:15 Iomraidhean Croise

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 13:17

Am do goṭa disạm mitʼ dhao dãṛã ạcurme, ente iń do noa disạmge amiń emama.”

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Genesis 15:7

Probhu Isor do Abrame metadea, “Iń kangeạń Probhu Isor do. Noa disạmem ạidạrijoṅ lạgitʼ ińge Kạldikoakʼ Ur nagraha khoniń oḍok ạguakatʼmea.”

Genesis 18:18

Abraham ar uni bõsren hoṛko khonge coṅ mitʼṭecʼ maraṅ daṛean jạtrenkoń sirjạuko ar onko iạtege coṅ dhạrtiren sanam jạtrenko ma bhorko ńam.

Genesis 24:7

Sermaren Probhu Isor do iń ar ińren babawakʼ oṛakʼ duạr ar ińakʼ janam ṭhạ̃i khone oḍok ạgu akadińạ. Uni do iń sãote kathae roṛakada are kiriạ akawạdińa, noa disạm do ińren bõskoe emakoa. Uni do am lahate acʼren goḍet onḍeye kolea jemon hoponińren bạhu hoyokʼ lạgitʼ onḍe khon mitʼṭen kuṛiyem ạguye.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 28:14

Amren bõsko do dhạrtiren gitil lekako saṅgekʼa. Onko do purub-pạchim ar utạr-dạkhin secʼko pasnao idikʼa. Ar dhạrtiren sanam jạtrenko do am ar amren bõsko hotete bhorko ńama.

Genesis 28:4

Okaṭakʼ ạsirbad Abrahame emade tahẽkan ona ạsirbadge uni do am ar am bõsren hoṛkoe emakoa. Ar okaṭakʼ disạm Abrahame emade tahẽkan, ar onḍe ńitokʼ porjạtrenko leka menakʼme, ona disạm hõ amakʼ ạidạrire hijukʼa.”

Genesis 35:12

Okaṭakʼ disạm do Abraham ar Ishạhakiń ematʼkin tahẽkan ona disạmge iń do amiń emama. Ar am tayom do amren bõskoń emakoa.”

Genesis 48:4

Uni doe metadiń tahẽkana, ‘ạḍi utạr hoponkoren baba hoyokʼ reakʼ daṛeń ematʼmea ar am bõsren hoṛkoakʼ lekha doń saṅge ocoya. Iń do am khon aema jạtrenkoń sirjạukoa, ar am tayom noa disạm do jaejug reakʼ sompotti lekate amren bõskoń emakoa.’

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

1 Bõsbudạ 16:18

Uni doe menleda, “Iń do Kanan disạmiń emama, ar onage amakʼ paona sompotti do hoyokʼtama.”

2 Bõsbudạ 20:7

E aleren Isor, amren hoṛ Israelko samaṅ khon niạ disạmren hoṛkom laga ńirketʼkote amren guti Abraham bõsren hoṛko jaejug lạgitʼem em akatʼkoa.

Sereńko 37:22

Probhu Isor okoeye bhorako onko do ạidạriko ńama, menkhan okoe uniye sarapako onko doko marao ocokʼa.

Sereńko 37:29

Isor botorae hoṛko do disạmko ạidạrijoṅa ar onḍe do jaejug hạbicʼko tahena.

Exodus 32:13

Amren guti Abraham, Isạhak ar Israelakʼ katha hudisme. Amakʼ ńutumte kiriạkatem metatʼko tahẽkana, onkoren bõs do sermaren ipilko lekam saṅgekoa ar amakʼ gokʼakʼ disạm do jaejug reakʼ ạidạri lekate onkoren hoponkom danakoa.”

Exodus 33:1

Ona tayom Probhu Isor do Moseye metadea, “Amren okoe hoṛko Misor disom khonem oḍok ạguakatʼko onko salakʼ niạ ṭhạ̃i bạgikate ińiń gokʼakawatʼpe disạmte calakʼpe. Iń do Abraham, Isạhak ar Jakob ṭhen noa disạm reakʼgeń kiriạlena, onkoren bõskoń emakoa mente.

Jesaea 63:18

Amakʼ sonot ṭhạ̃i do thoṛa din lạgitʼ amren begar akan hoṛkoakʼ tire tahẽkana, menkhan ńitokʼ aleren bạiri do ona sonot ṭhạ̃iko lebetʼ gasmanḍaoetʼ kana.

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Aposkạmi 7:5

Ar acʼakʼ ạidạri lạgitʼ Isor do Abraham cetʼge bae emadea, jaṅga lebedokʼ leka jaega hõ baṅ. Menkhan Isor doe gokʼade tahẽkana, uni ar uniren bõsko do ạidạrilekate ona disạme emakoa. Menkhan unhạbicʼ Abrahamren do cele gidrạge bako tahẽkantaea.

Dosar Biboron 34:4

Ona tayom Probhu Isor do uniye metadea, “Noage ona disạm do one Abraham, Isạhak ar Jakob ṭhen kiriạkateń menletʼ, ‘Noa disạm do aperen bõskoń emakoa.’ Ar noa disạm do amakʼ mẽtʼteń ńel ocoketʼmea, menkhan gaḍa paromkate onḍe calakʼ do baṅ hoyokʼtama.”

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.