Genesis 13:10 - সান্তালী বাইবেল

¹⁰ Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Genesis 13:10 Iomraidhean Croise

Genesis 11:27

Noa do hoyokʼ kana Terahren bõskoakʼ katha. Terahren hoponkoakʼ ńutum do tahẽkana Abram, Nahor ar Haran, ar Haranren hoponakʼ ńutum do Lot.

Genesis 13:11

Unre Lot do Jordan reakʼ sanam jaega acʼ lạgitʼe bachaoana ar purub secʼe sen idiyena. Nonkate unkin dokin apan ạpinena.

Genesis 13:9

Goṭa disạmge am samaṅre menakʼa. Onate dela, laṅ begarlenge. Am do leṅga secʼem bachaoan khan iń do jojom secʼ iń calakʼa ar jojom secʼem bachaoan khan iń do leṅga secʼ iń calakʼa.”

Genesis 14:2

Noko ponea rapajko do mitʼkate Sodomren raj Bera, Gomoraren raj Birsạ, Admaren raj Sinạb, Seboyimren raj Semeber ar Belaren, metakʼme, Soarren raj upạrte lạṛhại lạgitʼko oḍok calaoena.

Genesis 14:8

Noako ghoṭna tayom Sodom, Gomora, Adma, Seboyim ar Bela, metakʼme Soarren rajko do Elamren raj Kedarlaomer, Goyimren raj Tidạl, Sinạrren raj Amraphel ar Elasaren raj Ariok sãote lạṛhại lạgitʼ Sidim tapolre onkoren palṭonko jarwaketʼkoa. Ponea raj upạrte mõṛẽ goṭen raj do lạṛhại lạgitʼko sapṛaoena.

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

Genesis 47:6

Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”

1 Rapajko 7:46

Jordan reakʼ bilạn ṭạnḍire Sukot ar Sorethan tala reakʼ mitʼ jaegare raj do noako jinis ot reakʼ chãcreye dul benao ocoleda.

Jobakʼ 40:23

Gaḍare ḍubạ dakʼ hecʼlenre hõ uni do bae botorokʼ kana; jordan gaḍa reakʼ dakʼ mocare gad gadaoaekanre hõ uni doe khạtirjomagea.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jirimiạ 48:34

“Onkoakʼ rakʼjoṅ reakʼ aṛaṅ do Hesbon khon Elial ar Jahas hạbicʼ ańjomokʼ kana, Soar khon Horonayim ar Eglath Selisiạ hạbicʼ rakapʼ akana, ente Nimrim reakʼ dakʼ hõ ańjetʼ akana.

Jeheskel 16:46

Ar ạjim do Samariạ kanae; one uni am khon utạr secʼre acʼren hoponerako sãoteye tahẽnkan. Amren bokom kuṛi Sodom; one uni do acʼren hoponerako sãote dạkhinreye tahẽnkan.

Jeheskel 16:49

“Amren boeha kuṛi Sodomakʼ do noa kại tahẽkana, uni ar hoponerako do bạḍại tahẽkantakoa, ente onko do ḍher jomakʼ tahẽkantakoa ar khạtirjomako girobasokʼkan tahẽkana, menkhan onko do reṅgecʼ ar laṅgaṭ hoṛ bako goṛoako kan tahẽkana.

Jeheskel 28:13

Am do Isorakʼ Eden bagwanrem tahẽkana, sanam lekan damanakʼ dhiri, cuni, podmorag, hirạ, gomedok, boidurjo ar surjokanto, nilkanto, pitmani, morokot ar sona do amakʼ abhrange tahẽkana, amakʼ jhan jhanaokʼkan mala ar seke sekekʼ hạ̃sli do sona reakʼge tahẽkana; noako do sirjạu hilokʼrege tearlena.

Jeheskel 31:8

Isorakʼ bagwan reakʼ debdạru dareko hõ ona sãote do baṅ jurilena. Saro dareko hõ uniyakʼ maraṅ ḍạrko soman do baṅ tahẽkana; uniyakʼ ḍạrko sãote Armon dareko hõ baṅ jurilena. Ar mońj dareko hõ cetatge baṅ tahẽkana ona reakʼ tulni do. Isorakʼ bagwan reakʼ jãhãn dareko reakʼ husnạkʼ hõ ona leka do baṅ tahẽkana.

Jeheskel 31:9

Aema ḍạrkote ińge ona do ṭhosokiń benaoleda; Edenre Isorakʼ bagwan reakʼ joto dare do onako hiskạwada.

Jeheskel 47:18

Purub secʼ reakʼ simạna Haoran ar Damesek talate Gilead ar Israel disạm tala reakʼ jordan gaḍa secʼte senkate doreão hạbicʼ. Ar noage hoyokʼa purub secʼ reakʼ simạna do.

Joel 2:3

Onko laha lahate do seṅgele jojomkana ar onko tayomte do seṅgel lepʼe roṅgokana. Onko samaṅre disạm do Eden bagwan leka, ar onko tayomre do ujạṛakʼ hahaṅkar; ona khon rukhiyạ do cetʼge bae ńameda.

Dosar Biboron 34:3

Ona chaḍa uni do Negeb disạm ar khijur disạm Jerikho nagraha ar ona sor jordan gaḍa dạkhin secʼ reakʼ bilạn ṭạnḍi khon Seyir hạbicʼ sanam jaegae udukʼadea.