Genesis 12:6 - সান্তালী বাইবেল

⁶ Kanan disạm talate calakʼ jokhecʼ Abram do Sikem nagraha ṭhenakʼ More reakʼ sonot dare hạbicʼe sen idiyena. Unre Kananrenko do ona disạmreko girobasokʼ kan tahẽkana.

Genesis 12:6 Iomraidhean Croise

Genesis 10:15

Kananren maraṅicʼ hoponakʼ ńutum do Sidon tahẽkana. Uni tayom do Hethe janamena.

Genesis 13:7

Onate Abram ar Lotren gutiko talare jaoge jhogṛa hoyokʼkan tahẽkana. Ona chaḍa onako oktere Kananrenko ar Pheresiko hõ ona disạmreko girobasokʼ kan tahẽkana.

Genesis 33:18

Padam-Aram khon oḍok hecʼ tayom Jakob do napaetege Kanan disạm reakʼ Sikem nagrahateye seṭerena. Uni do nagraha sorre tạmbui ṭaṅgaokeda ar tayomte ona jumi do Sikemren apat Hamorren hoponko ṭhen khon mitʼsae rupạ sikạteye kirińkeda.

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Genesis 35:4

Unre onko ṭhen tinạkʼ boṅga murhutʼko tahẽkan onko do Jakobakʼ tireko jimạketʼkoa. Ona sãote lutur reakʼ pagrako hõ uniko emadea. Ar Jakob do onako hataokate Sikem nagraha ṭhenakʼ maraṅ dare buṭạreye topakada.

1 Rapajko 12:1

Rehobiam do Sikemteye senena, ente sanam Israelko do uni raje lạgitʼ onḍeko senakan tahẽkana.

1 Rapajko 12:25

Ona tayom Jerobiam do Eprayim buru ṭoṭha reakʼ Sikem do gaṛ nagraha lekae benaokeda ar onḍe girobasokʼe ehopʼena. Uni do onḍe khon senkate Penuel hõ gaṛ lekae benaokeda.

Sereńko 60:6

Isor do acʼakʼ sonot ńutumteye meneda, “Iń do rạskạ salakʼ Sikemiń hạṭińa, ar Sukot reakʼ tapol jaegań soṅa.

Hosea 6:9

Ḍạkuko cetʼleka manwa lạgitʼko tãṛãkʼkokʼ, onkage naekeko hõ tãṛãkʼ akaeko tahenkana; onko do Sikem calakʼ horre manwako khũnetʼkoa ar heṛan bạṛicʼakʼko kạmikana.

Johan 4:5

Uni do Samariạkoakʼ Sukhạrko metakʼ mitʼṭecʼ nagrahateye hecʼena. Noa nagraha do Jakob acʼren hopon Joseph okaṭakʼ jaegae emade tahẽkan ona sorrege tahẽkana.

Aposkạmi 7:16

Ar onkoakʼ mạ̃ṛĩko do Sikemre idikateko topakada. Noa mạ̃ṛĩ poḍa Abraham do Sikem nagraharen Hamorren hoponko ṭhen khone kirińleda.

Dosar Biboron 11:30

Ape dope baḍaegea, jordan gaḍa pạchim senakʼ hor aṛe reakʼ Gilgal ar ona sor reakʼ Arabreko tahenkan Kananikoakʼ disạm talare More reakʼ Elon dareko ṭhen ona barea buru do menakʼ mente.

Ibriko 11:9

Isor do okaṭakʼ disạm Abraham emae lạgitʼe gokʼade tahẽkana uni do biswạs iạtege bedisiạ hoṛ lekate onḍeye berelena. Ar uni sãote okoe do inạ mitʼ gokʼakʼren bhor reakʼ bhạgiạdarko tahẽkan Isạhak ar Jakob leka uni hõ tạmbukoreye ḍerakʼkan tahẽkana;

Josuạ 20:7

Ona iạte Israelko do asrayokʼ nagraha lekate Napthali gusṭirenko do buru ṭoṭhare menakʼ Gạlil reakʼ Kedesre, Ephrayim gusṭirenkoakʼ do buru ṭoṭha reakʼ Sikemre ar Jihudạ gusṭirenkoakʼ do buru ṭoṭha reakʼ Kiriat-Arbare, metakʼme Hebron doko begar dohokeda.

Josuạ 24:32

Israel hoponko do Misor disạm khon Josephakʼ oka jaṅkoko ạgu daraletʼ, ona do Sikemreko topakada. Noa jaega Jakob do Sikemren apattetʼ Hamorren hoponko ṭhen khon mitʼ sae rupạ ṭakateye kirińleda. Noa jaega do Joseph bõsrenkoakʼ sompotti talare tahẽkana.

Bikʼcạrko 7:1

Jerubakʼal, metakʼme Gideon ar uniren sanam hoṛko do ạḍi setakʼre beretʼkate Harod ṭoṭha reakʼ dakʼ jharna ṭhenko ḍerayena. Ar onko utạr reakʼ More buru ṭhenakʼ buru nalare do Midiạnrenkoakʼ ḍera tahẽkana.

Bikʼcạrko 9:1

Jerubakʼalren hopon Abimelek do Sikemre acʼ mamottetʼtako ṭhen senkate onko ar acʼ eṅgattetʼren eṭakʼ sanam bõskoe metatʼkoa,