Genesis 12:2 - সান্তালী বাইবেল

² Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 12:2 Iomraidhean Croise

Genesis 13:16

Iń do amren bõsko gitil lekań saṅgekoa. Dhạrti reakʼ gitil jodi jãhãeko lekha daṛeakʼ khan enḍekhan am bõsren hoṛ hõko lekha caba daṛeakoa.

Genesis 15:5

Tayomte Probhu Isor do Abram bahrete idikedeteye metadea, “Serma secʼ beṅged me arem daṛeakʼ khan ipilko lekhakom. Am bõsren hoṛ do onko ipil leka alekhako hoyokʼa.”

Genesis 17:20

Ańjomme, iń do uni hõń bhoraea ar ạḍi utạr hoponkote uni bõsren hoṛkoakʼ lekhań ḍher ocoya. Uni hõ gelbar khũṭren janam datae hoyokʼa ar uni khon iń do mitʼṭecʼ maraṅ jạtrenkoń benao rakapʼkoa.

Genesis 18:18

Abraham ar uni bõsren hoṛko khonge coṅ mitʼṭecʼ maraṅ daṛean jạtrenkoń sirjạuko ar onko iạtege coṅ dhạrtiren sanam jạtrenko ma bhorko ńam.

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

Genesis 19:29

Nonkate Lot okareye tahẽkan Isor do ona bilạn ṭạnḍi reakʼ nagrahae maraoetʼ tahẽkanre Abrahamakʼ katha disạkate Lot do onḍenakʼ muhin khone ocokʼ ạgukedea.

Genesis 24:1

Abraham do unre ạḍiye haṛam akan tahẽkana ar umer hõ ạḍi ḍher hoyakantae tahẽkana. Probhu Isor do sanam secʼ khongeye bhoraekan tahẽkana.

Genesis 24:35

Probhu Isor do ińren kisạ̃ṛ ạḍiye bhor akawadea; ar onate ạḍi kisạ̃ṛe hoyakana. Probhu Isor do ạḍi utạr ḍaṅgrako ar bheḍako, sona ar rupạko, guti-kạ̃ṛmĩko, ũṭ ar gadhakoe emakawadea.

Genesis 25:11

Abrahamakʼ gujukʼ tayom uniren hopon Isahak do Isorre bhoradea. Ar Isahak do Ber-lahae-roi ṭhen girobasokʼe ehopʼena.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Genesis 28:14

Amren bõsko do dhạrtiren gitil lekako saṅgekʼa. Onko do purub-pạchim ar utạr-dạkhin secʼko pasnao idikʼa. Ar dhạrtiren sanam jạtrenko do am ar amren bõsko hotete bhorko ńama.

Genesis 35:11

Isor do arhõe metadea, “Iń do phạdkoren Isor kạnạń. Am do ạḍi utạr hoponkoren apatem hoyokʼa arpe saṅgekʼa. Iń do am khonge mitʼṭecʼ jạtrenkoń rakapʼkoa, ar mitʼṭecʼ ḍher bõsrenko benao rakabokʼa. Ar amakʼ bõsre aema rapajko janamokʼa.

Genesis 46:3

Isore menkeda, “Iń Isor do, am babaren Isor kạnạń. Misor disạmte calakʼ do alom botorokʼa, ente iń do onḍe am khon mitʼṭecʼ maraṅ utạr jạtrenkoń sirjạukoa.

2 Samuel 7:9

Ar okako jaegatem senlen onḍege iń hõ am sãoteń senlena ar am samaṅ khon sanam bạirikoń marao caba akatʼkoa. Ar dhạrtire iń do amakʼ ńutumiń maraṅ ocoya.

Jobakʼ 35:8

Amakʼ dusṭạmi do eken manwawakʼgeye khutiya. Ar amakʼ dhorom do eken onkogeye bhạlạikoa.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.

Exodus 1:7

Menkhan Israelkoakʼ bõsko saṅge idikʼ reakʼ daṛe do tahẽkangea; onko do lekhareko ḍher idiyente beṛhaeteko pasnaoena arko daṛe idiyena, ar onkote Misor disạm do perecʼena.

Exodus 32:10

Am do alom tạkicʼ daramińạ. Onko upạrte ińakʼ edre do seṅgel leka jolokʼ kantińạ. Iń do onkoń jarkhar cabakoa. Ar ona tayom do am hotete mitʼṭecʼ maraṅ jạtiń hoyocokoa.”

Jesaea 51:2

Aperen baba Abraham beṅgetʼaepe ar ape okoeye janam akatʼpe uni Sara hõ beṅgetʼaepe. Iń tinreń hohowade tahẽkana unre uni do mitʼ hoṛgeye tahẽkana, ar uniń bhoradete lekhare aema hoṛiń hoy ocoketʼkoa.

Jeheskel 34:26

Iń do onkoń bhorakoa ar ińakʼ buru reakʼ beṛhaeteakʼ ṭhạ̃iko hõń bhorakʼa. Iń do okte nạpitre dakʼ iń kola; ar ona do ạsirbad reakʼ dakʼge hoyokʼa.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Sakariạ 8:13

E Jihudạ ar Israel gharońjrenko, lahate jạt jạtren hoṛko do sarap lekate apeakʼ ńutumko ńumetʼ tahẽkana, menkhan ńitokʼ iń do apeń bańcaopea ar onko do apeakʼ ńutum bhor lekateko ńuma. Alope botorokʼa, bickom daṛeanko hoyokʼpe.

Numeri 14:12

Iń do onkore mahamạriń paṛao ocoya ar onkoń gokʼ akawatʼko disạm reakʼ ạidạri do onko khoniń recʼ ocoya, menkhan onko khon hõ mitʼṭecʼ maraṅ jạtrenkoge am khoniń sirjạukoa.”

Numeri 22:12

Menkhan Isor do Biliame metadea, “Noko hoṛ sãote alom calakʼa ar onko hoṛ hõ jãhãnakʼ alom sarapakoa, ente onko do ińren bhoran hoṛ kanako.”

Numeri 23:20

Iń do onko ạsirbadako lạgitʼ hukum iń ńam akada. Uni do Israelkoe bhor akawatʼkoa, iń do bạń bodol daṛeakʼa.

Romiko lạgitʼ Pạul Apostolakʼ ciṭhi 4:11

Khatna ạurire biswạs iạtege Isor do dhorom menteye lekhakedea ar onage tahẽkana uniyakʼ sạbudokʼ reakʼ cinhạ do. Enḍekhan ńelokʼkana, khatna begorte okoe do eken biswạs hotete dhorom menteko ataṅ ocokʼkan, onko sanamkoren hõ Abraham doe baba kana.

Galathiko lạgitʼ Pạul Apostolakʼ ciṭhi 3:14

Isor do Abraham oka bhore emade tahẽkan ona bhorge Jisu Mạsi hotete boṅgan hoṛ jạtrenko hõko ńam daṛeakʼa, ar abo hõ jemon biswạs hoteteye gokʼ akawatʼbon sonot Jiubon ńam daṛeae, onate Mạsi do ona sarap acʼreye ladeana.

Galathiko lạgitʼ Pạul Apostolakʼ ciṭhi 3:7

Onate noa katha baḍaejoṅpe, okoe Isorreko pạtiạukʼkan eken onko kangeako Abrahamren hoponko do.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.