Genesis 12:18 - সান্তালী বাইবেল

^18-19 Unre Pharao do Abrame hohowadeteye metadea, “Am do iń sãote cedakʼ nonka dom beoharkeda? Cedakʼ amren bạhu do amren misera kanae mentem lạikedea. Ona iạtege coṅ ińma baplaye lạgitʼ iń ạgukede. Nui amren bạhu soṅgekate am do calaojoṅme.”

Genesis 12:18 Iomraidhean Croise

Genesis 20:3

Menkhan ńindạ jokhecʼ Isor do Abimelek kukmuteye metadea, “Okoe maejiuem ạgu akade, uniren do jãwãe menaetaea. Unim ạgu akadete am do gujukʼ secʼem mohnḍa akana.”

Genesis 29:25

Ado setakʼen khan Jakob do hahaṛakʼ tulucʼe ńelkedea uni doe Lea kana. Onate uni do Labane metadea, “Aben do ạliń tulucʼ cedakʼ nonka doben beoharkeda? Nunạkʼ din do cetʼ Rahel lạgitʼ bạliń khaṭao akana? Enḍekhan cedakʼben eṛe ketʼlińa?”

Genesis 3:13

Unre Probhu Isor do uni maejiue metadea, “Noa do cetʼem ceka akada?” Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”

Genesis 31:26

Ar Laban do Jakobe metadea, “Noa do cetʼ ben cekakeda? Cedakʼ ben eṛeketʼ lińa ar lạṛhạire bondi akan hoṛ leka ạlińren hoponera ben ạguketʼkinạ?

Genesis 4:10

Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda.

Genesis 44:15

Unre Joseph do onkoe metatʼkoa, “Cedakʼ nonka dope kạmikeda? Jotowakʼ sạrigeń guni daṛeakʼ ona do cetʼ bape baḍaekan tahẽkana?”

2 Samuel 3:24

Unre Joab do raj ṭhen senkateye menkeda, “Am do cetʼem cekakeda? Abner do am ṭhene hecʼlenre cedakʼem sen ruạṛ ocokedea? Ńitokʼ uni doe ruạṛ calao akana.

Exodus 32:21

Ar Arone metadea, “Onko do cetʼko cekaletʼtamte, nonkan bạṛicʼ kại secʼem ạyurketʼkoa?”

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Bikʼcạrko 2:2

Ape do noa disạmren hoṛko tulucʼ jãhãnakʼge bondobos alope dohoya ar onkoakʼ pinḍkope rạputʼ giḍikatakoa.’ Menkhan ape do ińakʼ katha bape bataoleda. Cekate nonka dope kạmikeda?

1 Samuel 14:43

Sạul do unre Jonathane metadea, “Lạiạńme, am do cetʼem ceka akada?” Jonathan do uniye metadea, “Ińakʼ ṭheṅga agalte thoṛagan dumur rasań jomakada, ar onate cetʼ iń do gujukʼ hoyokʼtińạ?”