Genesis 12:13 - সান্তালী বাইবেল

¹³ Onate onkom metakoa, am dom ińren misera kana. Ar am iạte onko do iń sãote bhageko beohara ar jiwetʼko dohoyińạ.”

Genesis 12:13 Iomraidhean Croise

Genesis 11:29

Abram ar Nahor do bana hoṛgekin bapla akan tahẽkana. Abramren bạhuakʼ ńutum do Sạri ar Nahorren bạhuakʼ ńutum do Milkạ tahẽkana. Milkạ ar Iskạ do Haranren hoponerakin tahẽkana.

Genesis 12:14

Abraham do tinre Misorteye seṭerena unre Misorrenko doko ńelkeda, Sạri do sạriyakʼge ạḍiye cehragea.

Genesis 20:2

Onḍe acʼren bạhu Sara do arhõ acʼren misera menteye lạikedea. Ona iạte onḍenicʼ Abimelek raj do hoṛ kolkate Sara acʼ ṭhene ạgukedea.

Genesis 20:5

Uni maejiu ma acʼgeye menakawạdińa, acʼ do uni hoṛren miserat kanae, ar uni hoṛ do acʼren dadattetʼ kanae. Onate iń do sojhe hudiste noań kạmiakada; ona chaḍa ińakʼ colonre jãhãn dosge baṅ tahẽkana.”

Genesis 26:7

Menkhan onḍenko hoṛ do tinre acʼren bạhu reakʼko kulikedea unre uni do acʼren misera menteye lạiyatʼkoa. Ente acʼren bạhu mente lạiyako doe botorena; uniye hudiskeda cehra iạte onḍenko hoṛ do Rebeka ńame lạgitʼ acʼko gocʼ botejea.

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Jirimiạ 38:17

Unre Jirimiạ do Sedekiại metadea, “Israelren phạdkoren Probhu Isore meneda, ‘Babel rajren subedar ṭhen bhagao ocokʼ reakʼem aṅgocetʼ khan amakʼ jiwi do bańcaokʼtama ar noa nagraha do seṅgelte baṅ ḍahao maraokʼa; ar am gharońjrenpe bańcaokʼa.

Jirimiạ 38:20

Jirimiại roṛ ruạṛkeda, “Onko do bako soprotmea. Iń okań metamkan onam onkaete Probhu Isorakʼ bataotaeme. Enḍekhan amakʼ bhage hoyokʼa, ar amakʼ jiwim bańcaotama.

Jeheskel 18:4

Jiwetʼ sanam hoṛge ińren kanako, apat ar hopon banarge ińren kanakin. Jãhãegeye kại unigeye gujukʼa.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Kolossiko lạgitʼ Pạul Apostolakʼ ciṭhi 3:6

Ar okoe doko bebataoko kan onko do ona iạtege Isorakʼ sạjại hecʼ paṛao akokana.