Genesis 12:10 - সান্তালী বাইবেল

¹⁰ Kanan disạmre mitʼṭecʼ akal hoyena. Ona do maraṅ akalge tahẽkante, ar Abram do thoṛa din lạgitʼ Misor disạmte senkateye girobasena.

Genesis 12:10 Iomraidhean Croise

Genesis 41:56

Noa akal do goṭa disạmrege pasnao idiyena. Ar tinre maraṅ akal hoyena unre Joseph do sanam murại oṛakʼkoe jhicʼkeda ar Misorrenko ṭhen jomakʼe ạkhrińkeda.

Genesis 41:57

Ar eṭakʼ disạmkore hõ maraṅ akal hoyena, onḍenko hoṛ hõ Joseph ṭhen khon jomakʼ kiriń idijoṅ lạgitʼ Misorte hijukʼko ehopʼena.

Genesis 42:5

Ar jomakʼ kiriń lạgitʼ tinạkʼ hoṛko calakʼkan tahẽkan onko dolre Israelren hopon hõko tahẽkana, ente Kanan disạmre hõ akal paṛao akan tahẽkana.

Genesis 43:1

Kanan disạm reakʼ akal do arhõ ḍher idiyena.

Genesis 47:13

Tayomte akal do nonka maraṅ hoyena, goṭa disạmre okarege jomakʼ do ar baṅ tahẽlena. Akal khạtirte Misor ar Kanan disạm do loraoena.

2 Samuel 21:1

Dạude rajokʼkan tahẽkanre pe bochor akal hoylena ona do bochorke bochorge. Ona iạte Dạud do Probhu Isor ṭhen niạ reaṅe kuliyana. Ar Probhu Isor do roṛ ruạṛadeteye metadea, “Noa do Sạul ar uniyakʼ bõsrenko iạte hoyakana. Onkoge mãyãm reakʼ dusi kanako; Sạul do Gibeonrenkoe gocʼletʼkoa.”

2 Rapajko 4:38

Elisae do Gilgolteye ruạṛ calaoena. Unre ona ṭoṭhare akal hoyokʼkan tahẽkana. Mitʼdin cela-nạbiko do uni sãoteko duṛupʼ akan tahẽkana. Unre acʼren mitʼṭen gutiye metadea, “Lạṭu ṭukucʼ condaete noko lạgitʼ suṛạ dakae tabon me.”

2 Rapajko 6:25

Unre nagrahare maraṅ akal ńelena. Niạ gherao do nunạkʼ din hạbicʼ hoyena je, mitʼṭen gadhawakʼ bohokʼ do mitʼ keji rupạte ar mitʼ keji reakʼ pon hạṭiń reakʼ mitʼ hạṭiń parwa icʼ do eae gram rupạte ạkhrińokʼ ehopʼena.

Sereńko 105:13

Onko do onḍe eṭakʼ eṭakʼ jạtrenko talare ar eṭakʼ eṭakʼ rajosṭiko talareko ạcur baṛaekan tahẽkana,

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Sereńko 34:19

Okoe dhorom horteye calakʼ uniyakʼ do muhinko ḍhergere hõ onako khon Probhu Isor doe bańcaoea.

Jirimiạ 14:1

Akal reaṅ Probhu Isor do Jirimiại metadea,

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Aposkạmi 7:11

“Inạ tayom goṭa Misor ar Kanan disạmre akal hoyena. Onate ạḍi haron kosṭo hecʼ paṛaoena ar aboren hapṛamko do jomakʼ bako ńamleda.

Rut reakʼ kạhini 1:1

Bikʼcạrkoakʼ bidạlre Israelkoakʼ disạmre mitʼṭecʼ akal hoylena. Unre Jihudạ disạm reakʼ Bethlehem atoren mitʼṭen hoṛ do acʼren bạhu ar barea hoponkin soṅgekate thoṛa okte lạgitʼ Moab disạmte senkate girobasokʼe ehopʼena.