Genesis 11:7 - সান্তালী বাইবেল

⁷ Onate dela, latarte bon pheḍokʼa ar onkoakʼ pạrsibon gaḍ baḍaotakoa jemon mitʼ hoṛ armitʼ hoṛakʼ pạrsi aloe bujhạu daṛeakʼ.”

Genesis 11:7 Iomraidhean Croise

Genesis 1:26

Ona tayom Isore menkeda, “Ńitokʼ do abo leka ar abo sãote jurikʼ leka manwa bon benaokoma. Onko do jalapuriren hakoko, coṭren cẽṛẽko, otren janwarko, leńokʼ ṭunḍạṅkan sanam lekan lạṭu ar kạṭicʼ ạsul ar bir janwarko ar dhạrti reakʼ sanamakʼko cetanre mạlik lekate ektiạriko calaoma.”

Genesis 10:20

Gharońj, pạrsi, disạm ar jạt lekate nokoge Ham bõsren hoṛko tahẽkana.

Genesis 10:32

Nokoge bõs ar jạtrenko lekate Noharen hoponkoren eṭakʼ eṭakʼ gharońjrenko tahẽkana. Ar ḍubạ dakʼ tayom noko bõskoren hoṛge goṭa dhạrtiko pasnao idiyena.

Genesis 10:5

Noko khonge sesre ạḍi utạr pạrsi, gharońj ar jạt lekate doreão aṛe reakʼ eṭakʼ eṭakʼ disạmreko pasnao idiyena.

Genesis 11:5

Probhu Isor do manwa oka nagraha ar usul oṛakʼko bekʼnaokan tahẽkan ona ńel lạgitʼe pheḍ hecʼena.

Genesis 3:22

Ona tayom Probhu Isore menkeda, “Ńelpe, boge bạṛicʼ dare reakʼ jo jomkate manwa do aboren mitʼṭen lekae hoyakana. Ńitokʼ manwa do jaejug tahen lạgitʼ jion dare reakʼ jo tiyokʼkate aloe jom daṛeakʼ onate jãhãnakʼ cekae jạruṛtabona.”

Genesis 42:23

Joseph onkoakʼ kathae bujhạuketʼtako onko do ona bako bujhạu daṛeada, ente torjomayicʼ onko talareye tahẽkana.

Jobakʼ 12:20

Uni do pạtiạran hoṛkoakʼ mocae bondtakoa ar haṛam hoṛkoakʼ bud doe nosṭo ocoytakoa.

Sereńko 2:4

Probhu Isor do serma reakʼ siṅghạson khone landa kana; Uni do onkoe siṛogakokana.

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Sereńko 55:9

E Probhu Isor, onko do marao cabakom, onkoakʼ roṛ do gaḍbaḍao ocoytakome; ente nagrahare iń do jor julum ar lạṛhạiyiń ńel akada.

Exodus 4:11

Menkhan Probhu Isor do uniye metadea, “Manwakoakʼ moca do okoeye benao akada? Okoe uni doe kala, guṅgạ are kãṛã ocoakadea? Ar ńeńel lạgitʼ daṛe do okoeye emakawadea? Uni do cetʼ iń Probhu Isorgeń baṅkana?

Jesaea 33:19

Uni bạḍạite perecʼ hoṛ do ar bam ńelea; ar ạ̃nạ̃ṛi pạrsian hoṛ hõ bam ńelkoa, one onkoakʼ hahaṛa kathako do baṅ bujhạukʼ.

Jesaea 6:8

Ona tayom iń do Probhu Isorakʼ kathań ańjomkeda. Uniye menkeda, “Okoeyiń kolea? Abo secʼ khon okoeye calakʼa?” Ińiń menkeda, “Iń minạńa, ińge koleńme baṛe.”

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

1 Korinthiko 14:23

Manḍerren sanam hoṛ mitʼ ṭhen jarwakate jotoko eṭakʼ eṭakʼ pạrsite katha roroṛpe ehopʼlen khan ar manḍer bahreren hoṛko ar bin pạtiạuko bhitriteko bololen khan, enḍekhan onko do cetʼ pagla mente bako metapea?

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.