Genesis 10:11 - সান্তালী বাইবেল

^11-12 Uni do onḍe khon Ạsur hạbicʼ acʼakʼ rajosṭiye pasnao idiketʼtaea. Onḍenakʼ Ninwi, Rehobot, Ir, Kalah ńutumanakʼ nagraha do unigeye teṅgoleda. Noa modre Resen do Ninwi ar Kalah talare tahẽkana. Ar noako mitʼkate mitʼṭecʼ maraṅ nagraha tearlena.

Genesis 10:11 Iomraidhean Croise

2 Rapajko 19:36

Onate Ạsurren raj Senakerib do acʼren lạṛhại phạdanteye ruạṛ calaoena ar Niniwi nagrahare senkateye tahẽyena.

Esra 4:2

Unre onko bạiriko do Serubabel ar bõskoren mathako ṭhen hecʼkateko menkeda, “Mundil oṛakʼ benao kạmire ale hõ ape sãotele kạmiya, ente ale hõ aperen Isorakʼ sana leka calakʼle kurumuṭuyeda. Ạsurren raj Esarhadon do nonḍeye ạgu akatʼle tayom khon ale hõ Isor ńutumte janwarkole samaṅetʼkoa.”

Sereńko 83:8

onko do Ạsurrenko sãoteko mitʼakana ar Loṭren hoponko reakʼ sopoko hoyakana. (Sela)

Jesaea 37:37

Onate Ạsurren raj Senakerib do acʼren lạṛhại phạdanteye ruạṛ calaoena ar Niniwi nagrahare senkateye tahẽyena.

Jeheskel 27:23

Haran, Kanne, Edon ar Sebaren bepariko ar Ạsur ar Kilmad hõ am sãoteko bạnijetʼ tahẽkana.

Jeheskel 32:22

“Ạsur do acʼren sanam lạṛhại phạdante onḍe menaea. Uni beṛhaete do acʼren sanam gocʼ hoṛkoakʼ topa menakʼa; noko sanamkoge lạṛhạireko gocʼlena.

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

Mikạ 5:6

Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Nạhum 1:1

Niniwi babotre Isorakʼ katha. Elkosi atoren Nạhum oka dorsone ńelletʼ ona do noa puthire ol akana.

Nạhum 2:8

Niniwi do phoṛ akatʼ mitʼṭecʼ pukhri leka one ona reakʼ dakʼko ạtu oḍokokʼkan. Onko do “Teṅgokʼpe, teṅgokʼpe” menteko hohoyetʼkana menkhan uniren hoṛ do celege tayom secʼ bako beṅgetʼ ạcureda.

Nạhum 3:7

Am ńelte hoṛ do mẽtʼãhãko ạcurtakoa arko mena, ‘Niniwi do maraoena, ar ona lạgitʼ do okoeye homor halaṅa?’ Am lạgitʼ jiwi rakʼṛecʼicʼ do okareń ńamea?”

Sephaniạ 2:13

Probhu Isor do utạr secʼ birudre ti tiạrkate Ạsurrenkoe marao giḍikoa ar Niniwi do ujạṛ utạrakʼ ar hahaṅkar leka khaṅgoṭ ṭhạ̃igeye hoeocoya.

Numeri 24:22

Menkhan sesre E Kenirenko ape dope marao utạrokʼa; Ạsurrenko do ar tinạkʼ din bondi kateko dohokapea?”

Numeri 24:24

Kitim dip aṛe khon jahajko do hecʼkate Ạsurrenko ar Eberrenkoe copotʼkoa; menkhan Kitimren hoṛ doko marao utạrokʼa.”