Genesis 10:10 - সান্তালী বাইবেল

¹⁰ Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

Genesis 10:10 Iomraidhean Croise

Genesis 10:9

Probhu Isor samaṅre uni do mitʼṭen sesendra birbanṭa hoṛge. Ona iạteko mena, “Nimrod do Probhu Isor samaṅre mitʼṭen birbanṭa sesendrayicʼ.”

Genesis 11:2

Onko do purub secʼko laha idiyente Sinor disạmre mitʼṭecʼ bilạn ṭạnḍiko ńamketʼ khan onḍege girobasokʼko ehopʼena.

Genesis 11:9

Ar onate ona jaega reakʼ ńutum do Babele dohokeda, ente onḍege Probhu Isor do dhạrti reakʼ pạrsiye gaḍbaḍao ocoketʼtakoa. Ar onḍe khonge uni do goṭa dhạrtiye pasnaoketʼkoa.

Genesis 14:1

Sinạr disạmren Amraphe raj, Elasarren Ariok raj, Elamren Kedarlaomer raj ar Goyimren Tidạl raj-

Jesaea 10:9

Kalnowakʼ dosa do cetʼ Karkemis leka do baṅkana? Ar Hamat do cetʼ Arpad leka baṅkana? Samariạ do cetʼ Damesek leka do baṅkana?

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Jesaea 39:1

Un jokhecʼ Babel raj Baladanren hopon Merodak Baladan do Hiskiạwakʼ ruạ ar ruạ khon bogekʼ reakʼ khobor ańjomkate uni ṭhen ciṭhi ar sandeskoe kolkeda.

Jirimiạ 21:2

“Babelren Nebukadnesar raj do abo sãoteye lạṛhại kana; onate abo ńutumte Probhu Isor ṭhen nehõrokʼ me jemon uni do abo ṭhene ruạṛ hijukʼ. Hoedaṛeakʼa Probhu Isor do lahate leka abo lạgitʼ hahaṛawakʼe kạmiya.”

Jirimiạ 50:1

Babel, metakʼme Babelrenkoakʼ disạm reaṅ Jirimiạ nạbi hotete Probhu Isor do noa kathae menleda,

Jirimiạ 50:21

“E Babelren bạiriko, iń Probhu Isorgeń meneda, ape do Merathaim disạm ar okoe do Pekodreko tahenkan onko upạrte rakapʼ senokʼpe. Ape do onko laga ńirkope, ar gocʼkope ar marao utạrkope; ar apeń hukum akawatʼpe reakʼ mitʼke mitʼ palonpe.

Jeheskel 27:23

Haran, Kanne, Edon ar Sebaren bepariko ar Ạsur ar Kilmad hõ am sãoteko bạnijetʼ tahẽkana.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Amos 6:2

Ape do Kalnete senkate ńelpe; ar onḍe khon maraṅ Hamatte calakʼpe, ar ona tayom do Philisṭikoakʼ Gat nagrahate calakʼpe. Ona rajosṭiko khon apeakʼ noakin rajosṭi do cetʼ bhagegea? Se onkoakʼ simạ khon apeakʼ simạ do cetʼ maraṅgea?

Mikạ 4:10

E Sion kuṛi, bedonokʼkan maejiu leka hasote baṛe thakoakʼme, ente ńitokʼ do amakʼ nagraha bạgikate ṭạnḍire tahen hoyokʼtama. Am hõ Babeltem calakʼa; ar onḍe do bańcaoem ńama. Probhu Isor do onḍege amren bạirikoakʼ ti khone chaḍaomea.

Mikạ 5:6

Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Sakariạ 5:11

Uni doe roṛ ruạṛadińa, “Unkin do Sinạr disạmtekin idiyeda. Onḍe do uni maejiu lạgitʼ mitʼṭecʼ oṛakʼ benaokʼa. Ar oṛakʼ benao sạtlen khan uni do acʼakʼ ṭhạ̃ire kin duṛubea.”