Genesis 1:9 - সান্তালী বাইবেল

⁹ Noa tayom Isore menkeda, “Serma latar reakʼ sanam dakʼko mitʼ jaegare jarwakʼma ar rohoṛ jaega ńelokʼma.” Ar onkage hoyena.

Genesis 1:9 Iomraidhean Croise

Genesis 1:8

Isor okaṭakʼ phaelao jaegae sirjạuketʼ ona reakʼ ńutum do sermae dohokeda. Nonkate ạyupʼena ar setakʼena ar ona do dosar din hoyena.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Jobakʼ 26:10

Marsal ar ńut tala reakʼ simạnare uni do rimil ar doreão talare beṛhaete simạnae dohoakada

Jobakʼ 26:7

Utạr reakʼ rimil do phaelaoreye pasnaoeda; ar phaelao jaegare dhạrti doe aka dohoakada.

Sereńko 104:3

Amakʼ sermare tahen jaega reakʼ rehetʼ do serma reakʼ dakʼ cetanrem bạisạu akada; ar rimil do amakʼ gạḍim benao akada; ar am do hoe reakʼ phạ̃kṛạkʼtem calakʼ kana.

Sereńko 33:7

Uni do jalapuri reakʼ dakʼkoe jarwa ocoyetʼa, ar judạ judạ murạikore onako dakʼe dohoyeda.

Sereńko 95:5

Jalapuri hõ uniyakʼ kangea, ente unige ona doe benao akada; ar ot hõ uniyakʼ titege benao akana.

Sosolhayic̕ 1:7

Joto gaḍa do jalapurire dul mitʼ akana, enhõ jalapuri do tisge baṅ perejokʼ kana; onḍe khon oka gaḍako oḍokʼ hecʼakan ona reakʼ dakʼ do arhõ onḍege ruạṛ calakʼ kana.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Jona 1:9

Jonae roṛ ruạṛkeda, “Iń do mitʼṭen Ibri hoṛ kạnạń. Iń do sermaren Probhu Isoriń sewawae kana. Unige jalapuri ar ot doe benaoakada.”

2 Patras 3:5

Noko hoṛ do dikhitegeko hiṛińeda baṅma, sedaere Isorakʼ kathatege serma do sirjạulena ar dakʼte ar dakʼ khonge dhạrti hõ sirjạulena mente.

Johan sodor 10:6

Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.