Genesis 1:31 - সান্তালী বাইবেল

³¹ Isor do acʼakʼ sirjạuakʼ reakʼ sanamakʼe ńelkeda. Ar sạrige onako do ạḍi mońjge hoyakana. Ado ạyupʼena ar setakʼena, ar ona do turuiyakʼ din hoyena.

Genesis 1:31 Iomraidhean Croise

Genesis 1:13

Nonkage ạyupʼena ar setakʼena, ar ona do tesarakʼ din hoyena.

Genesis 1:19

Ado ạyupʼena ar setakʼena, ar ona do ponakʼ din hoyena.

Genesis 1:23

Ado ạyupʼena ar setakʼena, ar ona do mõṛẽakʼ din hoyena.

Genesis 1:8

Isor okaṭakʼ phaelao jaegae sirjạuketʼ ona reakʼ ńutum do sermae dohokeda. Nonkate ạyupʼena ar setakʼena ar ona do dosar din hoyena.

Genesis 2:2

Nonkate Isor do eaeakʼ dinte acʼakʼ kạmiye sạtʼkeda; one okaṭakʼe kạmiketʼ; ar eaeakʼ din doe jirạuena acʼakʼ joto kạmiko khon; ar enhilokʼ uni do sirjạu reakʼ cetʼge bae kạmileda.

Genesis 2:3

Uni do noa eaeakʼ dine bhorada ar acʼ lạgitʼe begar dohokada, ente enhilokʼ uni do sirjạu reakʼ kạmiye sạtkeda are jirạuena.

Jobakʼ 38:7

Unre setakʼren ipilko do mitʼ sãoteko sereńleda ar serma goḍetko do rạskạteko anḍoṛleda.

Sereńko 104:24

E Probhu Isor, am do ạḍi utạrakʼkom sirjạu akada; ar amakʼ akelte onako dom benao akada; amakʼ sirjạuakʼ jiniskotege dhạrti do perecʼ akana.

Sereńko 104:28

Amem emakokanre onko doko halaṅjoṅ kana; Amakʼ tiyem khulạuetʼ khan onko do bhage bhage jinisteko bikʼ kana.

Sereńko 104:31

Probhu Isorakʼ ṭhonok do jaejug hạbicʼ tahenma; uni do acʼakʼ kạmireye rạskạkʼ kana.

Sereńko 119:68

Am dom bhagegea arem bhạlạiyetʼa; amakʼ ạnko baṛe cetʼạńme.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Exodus 31:17

Niạ din do iń ar Israelko talare jaejug lạgitʼ mitʼṭecʼ cinhạ kana, ente iń do turui dinre serma ar ot iń sirjạu akada ar eae din hilokʼre do cetʼ hõ bạń kạmileda.”

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Sosolhayic̕ 3:11

Uni do sanamakʼ reakʼ okteye ṭhik dohoakada. Uni do manwa ontorre jaejug reaṅ bujhạu reakʼ mone emakawadea, menkhan manwa do pạhil khon mucạtʼ hạbicʼ cetʼe cekaea ona bae bujhạu daṛeakʼa.

Rak̕joṅ 3:38

Maraṅ Isorakʼ moca khonge cetʼ bhalạiyanakʼ ar bin bhạlạiyanakʼ cetʼ baṅ oḍokokʼ kana?

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

1Timothi 4:4

Isore sirjạu akatʼ sanamakʼge bhagegea, onate okaṭakʼ hõ bạṛicʼ hudiskate giḍikakʼ lek do baṅkana; menkhan ona do jemon gun manao joharkate ataṅokʼ,

1Timothi 4:5

ente Isorakʼ katha ar koete ona do sonot ocokʼ kana.