Genesis 1:3 - সান্তালী বাইবেল

^3-5 Isore menkeda, “Marsal hoyokʼma.” Ado marsal hoyena. Uni do onae ńelkeda ar ạḍi mońjge hoyakana. Uni do ńut khon marsale begarketʼte ona reakʼ ńutum do siń ar ńut reakʼ ńutum do ńindại dohokeda. Nonkate setakʼena ar ạyupʼena ar ona do pạhil din hoyena.

Genesis 1:3 Iomraidhean Croise

Genesis 2:4

Sirjạu tayom serma ar ot reakʼ katha: Probhu Isor do tinre maraṅ serma ar ote benaoetʼ tahẽkana unre dhạrtire aṛakʼ sakam, dare, nạ̃ṛĩ, anaj, ar phosolko do baṅ janam akan tahẽkana, ente Probhu Isor do dhạrtire dakʼ reakʼ bae bebosta akatʼ tahẽkana. Ona chaḍa jumire cas lạgitʼ manwa hõ bako tahẽkana.

Jobakʼ 36:30

Uni do acʼ beṛhaete kuṛhạye pasnaoeda ar buruko reakʼ muthnikoe dapaleda.

Jobakʼ 38:19

“Marsal thamgạḍikʼ ṭhạ̃i senakʼ hor do okare menakʼa? Ar ńut reakʼ tahen jaega hõ okare menakʼa?

Sereńko 104:2

Kicricʼ lekage am do marsalem horokʼ akawana; rimilge am do tạmbu lekam ṭaṅgao akada.

Sereńko 118:27

Probhugeye Isor kana, uni doe marsal akawatʼlea. Ar porobren dãṛẽko do baberte tol idikope pinḍ reakʼ dereń hạbicʼ.

Sereńko 148:5

Onko sanamkoge Probhu Isorko sarhaoema, ente uniye hukumkeda arko sirjạuena.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Sereńko 33:9

Ente uni doe menkeda ar sanamakʼ do sirjạuena; uni doe hukumkeda ar sanamakʼ tearena.

Sereńko 97:11

Isor botoraeko do jionre marsalko em ocokʼa, ar okoekoakʼ ontor khạṭige onkoakʼ jionre do rạskạko ńama.

Jesaea 45:7

Ińge marsal ar ńutiń benao akada; ińge bhạlạiyiń ạguiyeda ar ińge ghoṭnań sirjạueda. Iń Probhu Isorge niạkoń nonkayeda.

Jesaea 60:19

Sińre siń cando reakʼ marsal do ar baṅ jạruṛama, ńindạ cando reakʼ terdecʼ marsal hõ baṅa, ente Probhu Isorge amren jaejug reakʼ marsale hoyokʼa, ar amren Isorge amakʼ ṭhonoke hoyokʼa.

Mathae 8:3

Jisu do ti tiạrkate joṭetʼkedeteye metadea, “Sanań kangea, ma saphakokʼme.” Ar unrege murhucʼ jom rog do bogeyentaea.

Johan 1:5

Ona marsal do ńutre jolokʼkan tahẽkana ar ńut do ona marsal bae bhagao daṛeada.

Johan 1:9

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Johan 11:43

Noa kathae menketʼ khan Jisu do ãṭ aṛaṅteye hohokeda, “E Lasar, oḍok hijukʼme.”

Johan 3:19

Uni do dusi menteye lekha ocoakana ente dhạrtire marsal hecʼakana, menkhan manwakoakʼ kạmiko bạṛicʼgete manwa do marsal khon ńutge bạ̃ṛtiko dulạṛetʼkana.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Ephesiko lạgitʼ Pạul Apostolakʼ ciṭhi 5:14

ente marsalge jotowakʼe sodoreda. Onate sonot sostorre olakana, “Ebhenokʼme E jạpitʼ akatʼicʼ, ar gocʼko khon beretʼme; khan Mạsiye marsalama.”

Ephesiko lạgitʼ Pạul Apostolakʼ ciṭhi 5:8

ente pạhil do ńutrepe tahẽkana menkhan ńitokʼ do Probhu Isorrepe mitʼ akante marsaltepe hecʼakana. Marsalte perecʼ hoṛkoakʼ cetʼleka calakʼ lek kan onkage ape hõ calakʼpe,

1Timothi 6:16

Isor do gujukʼ gobolren doe baṅkana. Uni do nonkan marsalreye tahenkana one okare okoe manwage bako sen daṛeakʼ. Ar okoe manwa hõ uni do tisge bako ńelakadea ar bako ńel daṛeaea; uniyakʼge man ar jaejug daṛe do. Amen.

1 Johan 1:5

Okaṭakʼ katha Jisu Mạsi ṭhen khon ańjomkate apele baḍae ocoyetʼpe ona do noage, Isor doe marsal kana; ar unire ńut do bạnukʼanaṅ.

1 Johan 2:8

Menkhan nõkʼõe okaṭakʼ hukum reakʼ katha ape ṭhen ńitokʼ iń oletʼkan ona do maregere hõ nãwãgea. Noa hukum reakʼ sạritetʼ do Jisu Mạsire ar apeakʼ jionre ńel akana, ente ńut do cabakʼkana ar ona sạri marsal do ńitokʼ jolokʼkana.