Genesis 1:28 - সান্তালী বাইবেল

²⁸ Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”

Genesis 1:28 Iomraidhean Croise

Genesis 1:22

Isor do onko sanamko bhoratʼkoteye menkeda, “Saṅgekʼ reakʼ daṛete perejokʼpe ar apeakʼ lekhako ḍhertape, ar jalapuri reakʼ dakʼko perejpe. Ar coṭren cẽṛẽko hõ apan ạpin jạtrenko leka lekha ḍherokʼ takoma”

Genesis 17:16

Iń do uniń bhoraea ar nonkan mitʼṭen hoponiń emama. Uni do arhõń bhoraea jemon ạḍi utạr jạtkoren ar onkoren rajkoren eṅgate hoyokʼ.”

Genesis 17:20

Ańjomme, iń do uni hõń bhoraea ar ạḍi utạr hoponkote uni bõsren hoṛkoakʼ lekhań ḍher ocoya. Uni hõ gelbar khũṭren janam datae hoyokʼa ar uni khon iń do mitʼṭecʼ maraṅ jạtrenkoń benao rakapʼkoa.

Genesis 24:60

Onko do Rebeka bhoradeteko metadea, “E mạ̃i, am do ạḍi utạr gidrạkoren gogo baṛe hoyokʼme. Amren hoponko jemon bạirikoakʼ sanam nagrahako jitạu daṛeakʼ.”

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Genesis 33:5

Tayomte Esau do onko maejiu ar gidrạko secʼe beṅgetʼketʼteye kulikedea, “Am sãote noko doko okoe kana?” Jakobe menkeda, “Isor do dayate amren guti noko gidrạkoe emakadea.”

Genesis 49:25

Am apatren Isor do ame goṛowama. Sanam daṛean Isor do serma khone bhorama ar ot latar khon jharna reakʼ ạsirbade emama. Ar maejiuakʼ kukhire gidrại emokʼte uniyakʼ toa reakʼ bhorte uni do ame bhorama.

Genesis 5:2

Uni do herel ar maejiukategeye sirjạuketʼkinạ are bhoratʼkinạ. Ar unkin do manwae ńutumketʼkinạ.

Genesis 6:1

Manwa do dhạrtireko saṅge idiyen khan onkoren aema hoponerako janamena ar unre Isorren hoponko do noko kuṛiko mońjko ńelketʼko khan akoakʼ kusi lekako baplaketʼkoa.

Genesis 8:17

Ar ona sãote janwarko cẽṛẽko ar leńokʼ ṭunḍạṅko, metakʼme tinạkʼ jiwiyanko menakʼko onko sanamko hõm oḍok ạgukoa. Ińakʼ khojogokʼakʼ do dhạrtire onkoren bõsko bạḍokʼma arko saṅge idikʼte lekhareko ḍherokʼma.”

Genesis 9:1

Isor do Noha ar uniren hoponkoe bhoratʼkoteye menkeda, “Ape do saṅgekʼ reakʼ daṛete ḍher idikʼpe ar dhạrti perejpe.

Genesis 9:7

Ape do apeakʼ saṅgekʼ reakʼ daṛete ḍherokʼpe. Ar dhạrti reakʼ beṛhaete pasnaokʼpe ar saṅgekʼpe.”

1 Bõsbudạ 4:10

Jabes do Israelren Isor hohoadeteye metade tahẽkana, “Bhorạńme ar ińakʼ sompotti ḍherkạtińme. Ar amakʼ daṛe do iń são sãote tahenma ar sanam muhin khon rukhiyạyińme jemon kosṭo aloń ńam.” Ar Isor do uniyakʼ nehõrjoṅakʼe ańjomketʼtaea.

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Jobakʼ 42:12

Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

Sereńko 107:38

Uni do onkoe bhorako kana ar onate onko do ạḍiko saṅgekʼkana; uni do onkoren ạtiń janwarko bae komao ocoyetʼkoa.

Sereńko 115:16

Serma do Probhu Isorakʼ serma kana, menkhan dhạrti do manwakoe em akatʼkoa.

Sereńko 69:34

Serma ar ot do unikin sarhaoema; jalapuri ar onaren sanam jiwiyanko do uniko sarhaoema;

Sereńko 8:6

Amakʼ tite sirjạu reakʼ cakʼlao bhar do unigem emakawadea ar noako jotowakʼ do uniyakʼ jaṅga latarrem dohoakada.

Sereńko 8:7

Ḍaṅgra ar bhiḍi palrenko ar dhạrtiren eṭakʼ sanam janwarko,

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Levitikus 26:9

Unre iń do daya mẽtʼteń ńelpea ar apeń bạḍ ocopea ariń saṅge ocopea, ar ape sãote ińakʼ bondobosiń bandhaoa.

1Timothi 4:3

Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriyakʼtetʼko baḍae akatʼ, onko do gun manao joharkateko jomma ar ona iạtege Isor do noako jomakʼe sirjạu akada.