Genesis 1:27 - সান্তালী বাইবেল

²⁷ Tayomte Isor do acʼleka mitʼṭen manwae benaokedea. Hẽ acʼakʼ muṭhạn lekageye benaokedea, uni do herel ar maejiukategeye sirjạuketʼkinạ.

Genesis 1:27 Iomraidhean Croise

Genesis 2:18

Ar Probhu Isor doe menkeda, “Manwa eskar tahen do baṅ bhagea. Iń do uni lạgitʼ mitʼṭen lek lekan gateń benaoaea.”

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Sereńko 139:14

Iń doń gun manao joharam kana, ente iń do hahaṛa lekateń benao akana; hahaṛagea amakʼ kạmiko do, ar ona do bhagetegeń baḍaea.

Sosolhayic̕ 7:29

Eken niạgeń baḍae daṛeada, Isor do manwa khạṭigeye benaoledea, menkhan manwa do aema lekan ghạṭ secʼko calaoena.”

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Jirimiạ 29:6

Baplakʼpe ar gidrạko janamkope; aperen hoponko bạhuakope ar hoponerako baplakakope jemon onkoren hõ gidrạko hoyokʼtako. Ape do onḍe saṅgekʼpe, ar alope komaokʼa.

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

Mathae 19:4

Jisui roṛ ruạṛatʼkoa, “Bape paṛhao akada, Sisirjạuicʼ do pạhilre herel ar maejiukategeye sirjạuketʼkinạ are menkeda,

Mark 10:6

Menkhan noa hõ ol menakʼa, sirjon reakʼ etohopʼre ‘Isor do herel ar maejiukategeye sirjạuketʼkinạ.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Ephesiko lạgitʼ Pạul Apostolakʼ ciṭhi 4:24

ar Isore emakan “Nãwã hoṛtetʼ ” do nãwã kicricʼ leka horokʼjoṅpe. Uni “Nãwã hoṛtetʼ ” do sạriyakʼre, dhoromre ar sonotre Isor lekae sirjạu ocoakana.

Dosar Biboron 4:32

“Isor do dhạrtire manwa sirjạukede tayom khon ar apeko bidạl reakʼ laha dinko khon khoj hataokate ńelpe; serma reakʼ mitʼ mucạtʼ khon eṭakʼ mucạtʼ hạbicʼ kulijoṅpe, okako hoyakan ona lekan maraṅ ar jãhãnakʼko hoyakana se baṅa, se ona lekan jãhãnakʼ ańjom akana se baṅa,

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Kolossiko lạgitʼ Pạul Apostolakʼ ciṭhi 1:26

Isorakʼ kathare okaṭakʼ sạri okoakʼ sedaeren hoṛko ṭhen jug jug khon okoge tahẽkan, ńitokʼ acʼren hoṛko ṭhen ona do sodor akana.

Bikʼcạrko 21:22

Ado tinre onkoren apat se boehako ale ṭhen lạlis lạgitʼko hijukʼa unrele metakoa, ‘onko kuṛiko do dan alepe ar alere dayakʼpe. Lạṛhại jokhecʼ onko lạgitʼ kuṛiko do bale ńamletʼkoa. Niạ babotre apeakʼ jãhãn dos do bạnukʼa, ente ape apnarte aperen kuṛiko bape emakana.’ ”