Genesis 1:26 - সান্তালী বাইবেল

²⁶ Ona tayom Isore menkeda, “Ńitokʼ do abo leka ar abo sãote jurikʼ leka manwa bon benaokoma. Onko do jalapuriren hakoko, coṭren cẽṛẽko, otren janwarko, leńokʼ ṭunḍạṅkan sanam lekan lạṭu ar kạṭicʼ ạsul ar bir janwarko ar dhạrti reakʼ sanamakʼko cetanre mạlik lekate ektiạriko calaoma.”

Genesis 1:26 Iomraidhean Croise

Genesis 11:7

Onate dela, latarte bon pheḍokʼa ar onkoakʼ pạrsibon gaḍ baḍaotakoa jemon mitʼ hoṛ armitʼ hoṛakʼ pạrsi aloe bujhạu daṛeakʼ.”

Genesis 2:19

Ar Probhu Isor do hasa khon otren okoe jiwiyanko ar coṭren cẽṛẽkoe benaoletʼko onko sanamko uni manwa ṭhene ạguketʼkoa. Probhu do ńeńele khojkeda, onko do cetʼ menteye hohoakoa mente. Ar uni okoeṭakʼ oka lekae ńutumkede onkage onko jiwiyankoakʼ ńutum do hoyena.

Genesis 3:22

Ona tayom Probhu Isore menkeda, “Ńelpe, boge bạṛicʼ dare reakʼ jo jomkate manwa do aboren mitʼṭen lekae hoyakana. Ńitokʼ manwa do jaejug tahen lạgitʼ jion dare reakʼ jo tiyokʼkate aloe jom daṛeakʼ onate jãhãnakʼ cekae jạruṛtabona.”

Genesis 5:1

Noa do hoyokʼ kana Adam bõsrenkoakʼ katha. Isor do acʼleka, acʼakʼ muṭhạn lekage manwae sirjạukedea;

Genesis 9:6

Isor do manwa acʼlekageye sirjạu akadea; onate jãhãn manwa jodi jãhãeye khũne enḍekhan eṭakʼ armitʼ hoṛ do uni khũniạhi hoṛakʼ jiwiye hataotaea.

Jobakʼ 35:10

Menkhan okoehõ bako meneda, ‘ińren sisirjạuicʼ Isor do okare menaea, okoe do ńindạ jokhecʼ rạskạ sereńe danạńkan?

Jobakʼ 39:11

Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Jobakʼ 5:23

Amakʼ jumire jãhãn dhirige baṅ tahena; ar bir janwarko do bako hạn mea.

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Sereńko 149:2

Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

Sosolhayic̕ 7:29

Eken niạgeń baḍae daṛeada, Isor do manwa khạṭigeye benaoledea, menkhan manwa do aema lekan ghạṭ secʼko calaoena.”

Soros sereń 1:11

Sona gunsikole galaṅama rupạ reakʼ ṭikliko salakʼ.

Jesaea 45:18

Probhu Isor, okoe do sermae sirjạu akatʼ, uni kangeae Isor do; one uni dhạrti do muṭhạne emakawatʼ are benao akatʼ, unige onae bandhoakada. Ar dhạrti do ạlmạl bae benaoleda, bickom girobasokʼ lạgitʼgeye benaokeda. Uni doe meneda, “Iń kangeạń Probhu Isor do, iń chaḍa eṭagicʼ do ar cele hõ bạnuiya.

Jesaea 6:8

Ona tayom iń do Probhu Isorakʼ kathań ańjomkeda. Uniye menkeda, “Okoeyiń kolea? Abo secʼ khon okoeye calakʼa?” Ińiń menkeda, “Iń minạńa, ińge koleńme baṛe.”

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.

Jirimiạ 27:6

Ńitokʼ iń do apeakʼ goṭa disạmge ińren golam Babelren raj Nebukadnesarakʼ tireń soprota; ar bir janwarko hõ uni tabereń dohokoa.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Johan 5:17

Unre uni do onko mukhiyạkoe metatʼkoa, “Ińren Baba do jao ghuṛiye kạmikana ar iń hoń onkayeda.”

Aposkạmi 17:20

Ente adomakʼko nonkam galmarao ale kana one oka do ạnạ̃ṛigele ańjometʼkan. Onate baḍae sanayetʼ lea onako reakʼ mane do cetʼkana mente.”

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

1 Korinthiko 11:7

Herelakʼ bohokʼ dapal do lek baṅkana, ente Isor do acʼlekage herele sirjạu akadea ar herel hotetege Isorakʼ ṭhonok do sodor akana. Menkhan maejiu hotete herelakʼ do ṭhonok sodorokʼa.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Ephesiko lạgitʼ Pạul Apostolakʼ ciṭhi 4:24

ar Isore emakan “Nãwã hoṛtetʼ ” do nãwã kicricʼ leka horokʼjoṅpe. Uni “Nãwã hoṛtetʼ ” do sạriyakʼre, dhoromre ar sonotre Isor lekae sirjạu ocoakana.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Jakob 3:7

Manwa do joto lekan janwarko, cẽṛẽko, leńokʼ ṭunḍạńko ar dakʼren jiwiyankoe koboj daṛeakoa arko kobojetʼkogea,

Jakob 3:9

Noa alaṅte aboren Probhu Isor, metakʼme Isor Baba bon sarhaoede kana, arhõ noa alaṅte uniyakʼ muṭhạnte benao akan hoṛ bon sarapako kana.

1 Johan 5:7

Sonot Jiu, dakʼ ar mãyãm, noa pea talate ona goha do hijukʼkana ar ona pene goha do mitʼgea.