Genesis 1:21 - সান্তালী বাইবেল

²¹ Nonkate Isor do jalapuriren maraṅ maraṅ jiwiyanko ar dakʼre jhake jhak aema lekan jiwiyankoe sirjạuketʼkoa. Ona chaḍa aema lekan cẽṛẽko hõe sirjạuketʼkoa. Ar apan ạpin jạtrenko lekate bạḍokʼ reakʼ daṛe hõe danatʼkoa. Isore ńelkeda ona do ạḍi mońjge hoyakana.

Genesis 1:21 Iomraidhean Croise

Genesis 1:18

siń ar ńindạ cetanreko rajokʼ ar ńut khon marsalko begar. Isore ńelkeda ona hõ ạḍi mońjge hoyakana.

Genesis 1:20

Ona tayom Isore menkeda, “Dakʼko do sanam lekan jiwiyankote perejokʼma, ar ot cetanre ar serma latarre cẽṛẽkoko uḍạu baṛaema.”

Genesis 1:22

Isor do onko sanamko bhoratʼkoteye menkeda, “Saṅgekʼ reakʼ daṛete perejokʼpe ar apeakʼ lekhako ḍhertape, ar jalapuri reakʼ dakʼko perejpe. Ar coṭren cẽṛẽko hõ apan ạpin jạtrenko leka lekha ḍherokʼ takoma”

Genesis 1:25

Isor do dhạrtiren sanam lekan bir janwarko, ạsul janwarko ar sanam lekan leńokʼ ṭunḍạṅkan jiwiyankoe benaoketʼkoa. Noko sanamkoge apan ạpin jạtrenko lekate saṅgekʼ reakʼ daṛeye ematʼkoa. Isore ńelkeda ona do ạḍi mońjge hoyakana.

Genesis 1:31

Isor do acʼakʼ sirjạuakʼ reakʼ sanamakʼe ńelkeda. Ar sạrige onako do ạḍi mońjge hoyakana. Ado ạyupʼena ar setakʼena, ar ona do turuiyakʼ din hoyena.

Genesis 2:19

Ar Probhu Isor do hasa khon otren okoe jiwiyanko ar coṭren cẽṛẽkoe benaoletʼko onko sanamko uni manwa ṭhene ạguketʼkoa. Probhu do ńeńele khojkeda, onko do cetʼ menteye hohoakoa mente. Ar uni okoeṭakʼ oka lekae ńutumkede onkage onko jiwiyankoakʼ ńutum do hoyena.

Genesis 6:20

Sanam jạtren cẽṛẽko, jiwiyanko ar leńokʼ ṭunḍạṅko do am ṭhenko hijukʼa jemon onkom bańcao doho daṛeako;

Genesis 7:14

Onko sãote mimitʼ jạtren mimitʼ joṛkate bir ar ạsul janwarko, leńokʼ ṭunḍạṅko ar joto lekan cẽṛẽko hõko boloyena.

Genesis 8:17

Ar ona sãote janwarko cẽṛẽko ar leńokʼ ṭunḍạṅko, metakʼme tinạkʼ jiwiyanko menakʼko onko sanamko hõm oḍok ạgukoa. Ińakʼ khojogokʼakʼ do dhạrtire onkoren bõsko bạḍokʼma arko saṅge idikʼte lekhareko ḍherokʼma.”

Genesis 8:19

Onko sãote joto janwar ar cẽṛẽko ar lacʼte taṛam jiwiyanko, metakʼme ot cetanre ạcur baṛae sanam jiwiyanko akoakʼ jạtko lekako oḍok hecʼena.

Genesis 9:2

Ar dhạrtiren sanam janwarko, coṭren cẽṛẽko, leńokʼ ṭunḍạṅko ar jalapuriren hakoko do apeko botorapea. Noko do apeakʼ tiregeko jimạ ocoyena.

Genesis 9:7

Ape do apeakʼ saṅgekʼ reakʼ daṛete ḍherokʼpe. Ar dhạrti reakʼ beṛhaete pasnaokʼpe ar saṅgekʼpe.”

Jobakʼ 12:7

“Janwarko ṭhen kulijoṅme, onko do amko cetʼama; coṭren cẽṛẽko ṭhen kulijoṅme, onko hõko lạiyama;

Jobakʼ 26:5

“Gocʼ hoṛ do botorteko thar tharaokʼ kana; onko do dakʼ ar dakʼ latarre tahenko tulucʼko thar tharaokʼ kana.

Jobakʼ 7:12

Iń do cetʼ jalapuri se doreãoren danob kạnạń onate tạṅkhiyiń lạgitʼ horhokom dohoakatʼkoa?

Sereńko 148:7

E dhạrtiren hoṛko ape do Probhu Isor sarhaoepe. E jalapuriren napṛakʼ napṛakʼ jiwiyanko ar jalapuri reakʼ khạndriyakʼko uni sarhaoepe.

Exodus 1:7

Menkhan Israelkoakʼ bõsko saṅge idikʼ reakʼ daṛe do tahẽkangea; onko do lekhareko ḍher idiyente beṛhaeteko pasnaoena arko daṛe idiyena, ar onkote Misor disạm do perecʼena.

Exodus 8:3

Nil gaḍa do roṭekote perejokʼa, ar onko do gaḍa khonko rakapʼ hijukʼte amakʼ oṛakʼ duạrkore, giticʼ oṛakʼkore, amakʼ aṭetʼkore, amren kạmiyạkoakʼ oṛakʼkore, amren hoṛkoakʼ oṛakʼkore, amakʼ culhạre ar amakʼ holoṅ sipiyakʼ gamlareko don bolokʼa.

Jeheskel 32:2

“E manwa hopon, Misorren raj Pharao babotre homor halaṅkate noam metaea, ‘am dom hudisetʼ tahẽkana jạtrenko modre mitʼṭen dhạcri kul kanam mente, menkhan am do tala gaḍaren mitʼṭen tayan kanam. Am do amakʼ gaḍaregem humtạgokʼkan tahẽkana, ar jaṅgate leoḍakate dakʼem boḍeyetʼ tahẽkana.

Jona 1:17

Probhu Isor do Jona ude lạgitʼ mitʼṭen maraṅ okocʼ hakoe ṭhik dohoakade tahẽkana. Ar Jona do uni hakoakʼ lacʼre pe siń pe ńindại tahẽyena.

Jona 2:10

Probhu Isor do hakoe hukumadea ar hako do ghuṭure Jonae ulạkedea.

Mathae 12:40

Cetʼ leka Jona do maraṅ okocʼ hakoakʼ lacʼre pe siń ar pe ńindại tahẽkan, onkage Manwa Hopon hõ pe siń ar pe ńindạ ot bhitrireye tahena.